А рекьелай авач хъсан рехъ зи дуст
Лекьер я куьн .дарих я зун квехъ зи дуст.
Шаксуз жеда завай а гаф квез лугьуз
Ватандин руг ,дарман я т1азвай хуруз.
Чин бубайрин шаламдин к1уф ц1урурай
Ваз хьиз .зазни багьа я а рекьер дуст
Бес за вучин гъурбат хьайла зин кьисмет
Ц1ийи жезва мад зин рик1ин хирер дуст.
Женг ч1угвазвай дуьз рекье тваз жегьилар
Ваз рекъини йиферизни нур гурай
Ватандин рагъ ватандин руг масад я
Гьар са касдин хайи чилел сур хьурай
Тарцин к1еник лезет къачуз ацукьиз
Нел вил ала. квекай я вин хиялар
Жегьил ч1авуз зунни хьанай а вун хьиз
Рик1ел хуьквез гила жезва зун ялар
Алахъин чун санал к1ват1 жез и гатуз
Дустар хьанва герек къадар ина чаз
К1ан хьайит1а рик1из жедай карни я
ХЪсан жедай акунайт1а сад-садаз
Ватандин рекьер
© Copyright: Гулья Мисриханова, 2015
Свидетельство о публикации №115061809502
Свидетельство о публикации №115061809502
Рецензии