А чый то клопат, а чыя турбота?

                У квахтушкі-маладзіцы -
                Адно толькі падзівіцца-\    
                Куранят з дзясяткаў тры,
                Дык трэба і пастухі,
                Бо не слухаюць мамы
                Кураняты-ціўкачы -
                Ім чарвяк цікавы:
                Паспрабуй тут уцячы!
                У квахтушкі-чарнушкі
                Кураняты чарнюткі,
                У квахтушкі стракатай
                Поўны куратнік-хата.
                У квахтушкі пярэстай
                Усе кураняты - песты.
                У квахтухі-рыжухі
                Як ліскі-лісухі,
                У квахтушкі рудзенькай
                Кураняты маленькія.
                Называю іх апельсіны,
                Бо аранжавыя спіны.
                Клічу аднаго -пінгвін:
                Грудка ў яго белая,
                Чорных крыльцаў сацін
                Махае смешна веерам.
                У квахтухі-рабухі
                Куранят асьмуха.
                У квахтухі хахлатай
                Іх таксама багата.
                А квахтуха белая
                На гняздо,бач,села.
                Там яйка белае,бочачка -          
                Будзе сынок ці дочачка.
                У квахтушкі-папялушкі
                Такія ж і дачушкі,
                І вымова сынку,
                Бо качаўся ў прысаку.
                Мама,якая ж вымова?
                Будзе цельца здарова
                І грабушок мой,кветка.
                Праўду кажаш,дзетка.
                Падраслі дзяціны,
                Тыя,што стракатыя,
                Пер'е ў паўліна
                Быццам узятае:
                Зялёнае ды сіняе,
                Залаціста-жоўтае -
                Квахтуха тут нявінная,
                А прырода жартоўная.
                Усё ёй жартачкі,
                Але ж лады-ладачкі!
                Гаспадыня кліча:ціп-ціп!
                Бяжыце да кармушкі!
                Куранят кружок прыліп
                Да мамы-квахтушкі.
                А ў мамы ўжо меншыя,
                Пестуны лепшыя,
                А старэйшыя самі
                Ды ўжо з вусамі.
                Пад шыяй блінец,
                Бы вышыты ружанец,
                Тук-тук дзюбкай,
                Туп-туп ножкай тупкай.
                Квох-квох-квох!
                Не квахтуха - сена стог!
                Гэта сена не прэе,
                Што куранятак грэе.
                Кліча:ко-ко-ко!
                Піце,дзеткі,малако!
                Хуткім будзе рост
                І на крылы,і на хвост.
                Ку-ка-рэ-ку!Ку-ка-рэч-ку!
                Клюйце проса і сечку!
                Ку-ка-рэнь-рэнь!
                Клюйце бульбу і ячмень!
                Ці-віць!Ці-віць!
                Дай нам,тата,піць
                Вады чысцюткай,
                Булкі белай-бялюткай,
                Яшчэ мяккі тварог.
                Ку-ка-рэ-ку!
                Каб я здох!
                Квох-квох-квох!
                Хто тут здох?
                А мае ж вы дзеткі,
                Нясіце тату таблеткі!
                Ці-ві!Ці-ві!
                Таблеткі,тата, запі
                Вадой чысцюткай!
                Мы паклічам"Хуткую..."-
                Ізноў будзеш здаровы
                Сустрэць свет каляровы,
                Ранічкай шэрай
                Прагнаць цемру за дзверы.
                Здаровыя ізноў усе -
                Каго куды нясе:
                Валтузня злева,справа -
                Вось халера-праява!
                Квахтухі жаўтлявай
                Б'юцца,канечне,парай:
                Што курачка,што пеўнік -
                Аднолькавы дурасці цэннік!
                Дзесяць тых і дзесяць тых
                Куранят малых,дурных.
                Глядзі ты,палічыла,
                А пра восень і забыла!
                Па восені лічаць!
                Яшчэ,мой свет,
                Восені вільгаць
                Астудзіць твой імпэт.
                Бач,певень чырвоны
                Даўно ў чорным горы!
                Ко-ко-ко!
                Здох я ўжо даўно!
                Кох-кох!
                Я даўно ўжо здох!
                Авой!Куд-кудах!
                Каб я ўжо спрах!
                А певень,што пяро
                З сіне-зялёным адлівам,
                У горы ўжо даўно,
                Бо яго аж скрывіла!
                Пасміхаешся,гаспадыня?
                У!Злыя пасміхачы!
                На галаву вам абрыне
                Клопат свае ключы.
                Хі-хі-хі!Ой,хі-хі!
                Пеўні,вы пенцюхі!
                Гультаі-пеці!
                Вам цяжка на свеце?
                Вунь тата-пінгвін
                Заўжды ахвочы
                Грэць сваё дзіцяня
                І днём,і ноччу1
                Тут куранят плоймачка.
                А чыё ж тут горачка?
                Ці то пеўня,ці квахтухі,
                Ці гаспадыні-павітухі?
                Ой,гы-гы!Ой,гы-гы! 
                Паспрабуй ты адкажы!