Мiгрэл цi мая залатая рыбка

Ізноў нясталае надвор'е захварэла.
Ну і нічога! Я пайду шукаць мегрэла!

Ізноў расчаравался гітара
ў музыкальных маіх здольнасцях.

Ну і нічога! Пабягу я па бульварах,
па незнаёмых і прывабных плоскасцях,

але знайду, знайду жывое сонца.
Здаецца хутка стану марафонцам!

_   
__   П А Б Я Г У      
___
   

Па прыступках праз дзіўныя субстанцыі,
праз рэшткі нечага, што звалася студэнтам
і ў след мурмычыць ісціны апошняе інстанцыі,
у ва мне раптам адшукаўшы канфідэнта.

Па вуліцах рассыпаных бы мае веды
перад экзаменам за цэлы навучальны год.
Сярод падобных і у трэндзе мадаедаў
знайду я незвычайны і сапраўдны пераход.

Там, у пераходзе, незнаёмая гітара
будзе ў ідыліі аб свеце мяркаваць
з агністым ангелам у шарым балівары...

_-_-_-_-_-_-_-_-_-_-_-_-_-_-_-_-_-_-_-_-_-_-

Часамі варта схамянуцца і бяжаць,
Інтуітыўна, без аглядкі і сумненняў,
Схаваць забруджаныя крылы ў рукзак
І, абмінуўшы камень ці каменне спатыкнення,
злавіць жыццё, бо ты яго рыбак.