Зи уьмуьр на яман йикъаз элкъуьрай,
эхир заман йикъак ви кьил кувачни?!
Зун кьве мет1ел киц1 хьиз вуна къекъуьрай,
я сад Аллагь,бес гьахъ дуван авачни?!
Азад ая яхун гардан епинай,
зак чка кумач,зун чан алай мейит я,
зун акъудай бубад к1валяй,кьеп1инай,
ви к1вализ зун аватай къуз-кьейид я.
За ялварзва-ван атурай Аллагьдиз,
зун ви к1вале кьифесдавай циц1иб тир,
на дат1ана къуллугъзава гунагьдиз,
амма зун зи руьгь хуьзавай сагьиб тир.
Зи уьмуьр на яман йикъаз элкъуьрай
© Copyright: Луиза Ахмедова, 2015
Свидетельство о публикации №115051507464
Свидетельство о публикации №115051507464
Рецензии