Вуч залан я рекье, руг акъудиз заз,
Са затI гуьзет тийиз гуьгъуьна къвезвай,
Гьисабун пашмандик, гьикьванни яргъаз
ФенватIа жув жуван хушбахтвиливай.
Галатай балкIан зи, гатIурна чукун,
Кагьулдик, са тегьер физва хъурц ийиз,-
Саки чизва: герек туш тади кьачун,
Хайи руьгьдивайни чара ксариз
Сагьибдин къармахриз яб гузвач ада,
Тек са гьарайинив гузва заз абур.
Зи тIал къарагъзава гьа и сузада,
БалкIандилай пара - къармахар акьур.
За хиялзава, эгь,килигиз яргъал:
Шадвал -кьулухъ кума, вилик – сефилвал.
У. Шекспир. Сонет 50
© Copyright: Билал Адилов, 2015
Свидетельство о публикации №115050610834
Свидетельство о публикации №115050610834
Рецензии