Вилеривай, гьелбет, алакьда рахаз,
Шадвилив гьарайиз, яни хьи шехьиз,
Вилеривай жеда кIубанвал кутаз,
Гьам акуьл чукуриз, гьам къал акъудиз…
Гафаривди мумкин я алцурарунни,
Вилеривди амма – тежедай кар я,
Вилера, мумкин я, лап батмиш хьунни,
Эгер мукъаятдик килиг тавуртIа…
Галатун вуч ятIа чидач вилериз,
Акунал вирина, кьатIунал вири,
Тахьурай абурал накъвар, авахьиз,
Гьар чIавуз рапрапрай бахтаварвили.
Абурун килигун гьахьда гапур хьиз,
Абур лукьманар я сур чIаварин гьикI,
Абур ругьдихъ галаз сад я лап кIевиз,
Чи халикьди абур туькIуьрнава икI.
Руьгь канивиливди ацIайла дерин,
Сир, эбедивал хьиз, жеда вилера,
Экв гуда лепеди бахтаварвилин,
Уьмуьрдин гьуьлевай секинвилера…
***
© Copyright: Билал Адилов, 2015
Свидетельство о публикации №115042905582
Свидетельство о публикации №115042905582
Рецензии