Э. Асадов. Доброта

Хъсанвал

Эгер ви дустуни гьуьжетдин чIавуз
Гафарив хатурда акьуртIани ви,
ТIуькьуьл кар я ,амма, акъатмир цавуз,
Багъиша тахсирар  на адаз вири.

Уьмуьрда гьар са затI жен мумкинни я.
Амма мягькем ятIа эгер куь  дуствал,
ГьакIан  ичIи, ахмакь  са   кардилай на
Рехъ гумир  гьакI адаз, вич  кукIвардайвал.

Эгер хъелнаватIа на канидавай,
Амма ам паталди дарих ятIа  рикI,
Имни хажалат туш, деринвал авай,
Тади къачумир на вири атуз икI.

Лап лугьун, тахсирар  алачтIани вал,
А  къайивилерин, гафарин кIеви,
Гьуьжетриз килигмир,  хуьх на итимвал!
Им,гьикI хьайитIани,канивал я  ви !

Уьмуьрда гьар са затI жен мумкинни я.
Амма мягькем ятIа эгер канивал,
ГьакIан ичIи,ахмакь са  кардилай на
Рехъ гумир  гьакI адаз, вич  кукIвардайвал.

Ахпа тийидайвал  жуваз жув къехуьн,
Лугьуз, рикI  тIарна  за са нин  ятIани,
Герек я дуьняда  къилих хъсан хьун ,
Писвал пара ава гьакI  кьуд патани.

Амма са кардилай кьулухъ элкъвемир:
Чаравилизни вач,лап атIунизни,
Тек  са  алчахвилер  вуна багъишмир,
Гьамни  хаинвални вуна багъишмир,
Садазни-канидаз,я дустунизни!