Гъалибвилин ч1ехи сувар,
Мад сеферда жезва, дустар,
Нефс пич1и вагьшидин суфат,
Кук1варай югъ къвезва, дустар.
Яшамишрай чи бубаяр,
Игитвилелд Ватан хвейи,
Рухваярни,вафалубур
И гъалибвал масан хьайи.
Алатдайд туш гьич рик1елай,
Фашизмади гъайи ц1аяр,
Хиял татуй гьич садазни,
Дявеяр мад ийиз тикрар.
Бесрай! Кана, яна кьена,
Миллионар телефайд эл,
Акьул кьери са алчахди
Мусибатар гъана кьилел.
Уьмуьр ганва яшамиш жез,
Къакъудмир ам чарадавай,
Чарадан чил, к1вал к1ан жемир,
Жемир садни фашистрин тай.
Гъалибвилин югъ суварин
Вилив хуьзвай шад я халкьар
Къейд ийида гурлудаказ,
Чи уьлкведи 9-Май!
Гъалибвилин сувариз
© Copyright: Джарият Магомедова, 2015
Свидетельство о публикации №115042007429
Свидетельство о публикации №115042007429
Рецензии