Гъвеч1и шенп1и

 Чаз пуд хьанва,к1андан сад?
 Лугьуз чин къунши
Атана къе гъилеваз
Гъвеч1и са шенп1и

Лагьана за дидедиз
Къачу диде чаз
Иер шенп1и чин  к1вале
Хьурай.зав къугъваз

Ваъ лагьанач дидеди
Шенп1и хьана чаз
Хвеши хьана катна зун
К1вализ, шенп1и гваз

Къапунаваз эцигна
Нек,адан вилик
К1вал туьк1уьрна шенп1идиз
Стулдин к1еник

Ацукьиз к1ан хьаначир
Шенп1идиз ана
Фена вичин дердийриз
Зун кьилди туна

Вичин кьац1ай спелар
Михьна гамунай
Башламишна чин диван
Чухваз къастунай

Пииссс лагьана за адаз
Къужахда кьуна
Хъел къведа зин дидедиз
Ак1 ийимир на

Ахпа фена кусудай
Чка жагъуриз
Зун алахъна авур к1вал
Адаз къалуриз

Закай гьаз татай шенп1и
Заз яб гун тийиз
Акъайна рак фена мад
Буба авай к1вализ

Лагьана зин бубади
Кямир хтул на
Каци вичиз жагъурда
Кусудай чка

Аватнавай дак1ардай
Ракъинин нур тамам
Зин бубадин к1вачерихъ
Эк1ягъ хьана ам

Мад пашмандиз амукьна
Саддиз зун к1вале
Гъвеч1и ят1ан са фикир
Гьатна зин кьиле

Гьамиша зин дидеди
Лугьузава заз
Фикир це зин гафариз
На яб акал заз

Бес вучиз зин шенп1иди
Гузвач къе заз яб
Заз хьиз зин дидедизни
Хъел къвезва  яраб?