Гьар йисан 9-майдиз
Фин майдандал к1елиз т1варар
Рик1елай фин тийидайвал
Гел галачиз квахьай ксар
Са к1валяй пуд кас фейила
Хтай гъалибвал
хер хьайи ватандин чиляй
Атай гъалибвал
И югъ чавай акъуд жедан
Тарихдай чилин
Диде хьанач акун хъувур
Рухваяр вичин
Игит хвайри Ватан хуьнин
Къастар квай рик1ик
Чанни чипин гьайиф текъвез
Чукурдай вилик
Къанлу душман туруналди
Ат1ай гъалибвал
Гьахъсузвилин к1еви зунжур
Кьат1ай Гъалибвал
СА гаф рик1е,к1вачик цаяр
Ч1ехи дяведин
Асландилай вик1егь хьухь вун
Лагьай дидедин
Шумуд бике вичин гъуьлел
Вил алаз амай
Вилив хуьх зун,хуькведа фад
Лагьана тахтай
Етим хцив бубадикай
Рахай гъалибвал
Гьик1 женгера кьенайт1а ам
Лагьай гъалибвал
Умудар квай гьар са касдик
К1вализ хъфидай
Гъалиб хьана хуькведа зун
Лугьуз кхьидай
Ветеранри к1вачер тунай
Душмандиз алчах
Дуьньяд винел гъалиб хьайи
ВАтан ава чахъ
Гъалибвал
© Copyright: Гулья Мисриханова, 2015
Свидетельство о публикации №115041810524
Свидетельство о публикации №115041810524
Рецензии