Прысвячаю маім бабулі Любе і дзядулі Аляксею
Родная хата.У печы агеньчык.
Весела дровы сухія трашчаць.
Льецца ў кубак малочны струменьчык-
Будзе бабуля мяне частаваць.
Аладкі духмяныя лягуць грудочкам,
Сподачак з мёдам чакае мяне.
Пад ручніком-абразы ў куточку.
Сонечны зайчык дрыжыць на сцяне.
Дапытлівы позірк кідае світанак,
Грэе лагодна цабэрак з вадой.
Коцік скруціўся ў абаранак,
Жоўтае вока шпіёніць за мной.
Светлыя вокны ў сад пазіраюць,
Фіранкаў карункі,як хвалі плывуць.
Вішні лісточкамі шыбы кранаюць.
Пчолы рупліва на кветках гудуць.
Сцізорыкам яблыню дзед ушчапляе,
Нешта пяшчотна мармыча пад нос,
З замілаваннем свой сад аглядае.
Водар вясновы ляціць да нябёс.
Роднае сэрцу,у думках жывое,
Вечны мой стрыжань,ахова мая,
Сілы вяртае гаючым напоем
Памяці светлай крыніца твая.
Роднае
© Copyright: Ирина Косенкова, 2015
Свидетельство о публикации №115041408738
Свидетельство о публикации №115041408738
Рецензии
Ну, вельми прыгожа написали! Вялики дзякуй! З павагай, Уладзимир.
Владимир Михайлович Крюков 12.01.2017 13:56 • Заявить о нарушении
Владимир Михайлович Крюков 12.01.2017 13:56 • Заявить о нарушении
На это произведение написаны 3 рецензии, здесь отображается последняя, остальные - в полном списке.