Къвамир я марф къвамир я марф
Заз чин багъдиз физ к1анзава
Зин дидедин хайи югъ я
Адаз цуьквер гъиз к1анзава
Юкъуз къвамир къугъ вун йифиз
Цайи цуьквер ч1ехи ийиз
Хвеши хьурай зин дидедиз
Адан хатур хуьз к1анзава
Йисакай са югъ я къвезвай
Им кар я къе завай жезвай
Мубаракрай диде лугьуз
Вегьеда за цуьквер хуруз
Къатиз къвамир вун а тегьер
Чин бахчадиз къведа селлер
Кьац1урмир зун физвай рекьер
Марф,ваз заз хъел гъиз к1анзава
Физ килигиз мукьвал- мукьвал
Цайи цуьквер диде патал
Килигналди тух жеч вилер
Т1варни чипин КЪизилгуьллер
Къвамир я марф
© Copyright: Гулья Мисриханова, 2015
Свидетельство о публикации №115040910946
Свидетельство о публикации №115040910946
Рецензии