Атанва къе зун вин патав
Геж атана лугьумир заз
Рик1ин къене кузвай ялав
Жувахъ галаз гъанва за ваз
Терез хьанач гъам алцумдай
Багьна хьанач вав гат1умдай
Геж я лугьуз рахкурмир зун
К1ан хьайиди са вун я вун
Дар жигъирра къекъведай кьван
Галатна зун жагъуриз бахт
Лугьумир заз геж атана
Дуьз рехъ такваз акъатна вахт
Цифер алай кьисметдал зин
Агалнавай рекъин нурар
Зун гьик1 къведай къедалди на
Акьалнавай рик1ин варар
Шем хьиз кун зун ,ваз экв гурай
Геж ят1ани к1анда рик1из
Вун гатфар я зун зул хьурай
Яхъ къужахда на зун к1евиз
Геж атана лугьумир заз
© Copyright: Гулья Мисриханова, 2015
Свидетельство о публикации №115032600574
Свидетельство о публикации №115032600574
Рецензии