Стихи на лезгинском языке

Гьар са шиир зи аял хьиз ,за хайи,

Къалурда за,килиг лугьуз... таза я.

Белки бахт я - и шаирвал заз гайи?

Ва дахьайт1а - ам зи гъамни жаза я .

Если возникнут какие-либо вопросы ,вот мой номер тел.89064467128

 

       ХУЬДА ЗА ВУН

Зи лезги ч1ал, хуьда за вун гьакал хьиз,

Чи дидейрин рик1е авай хиял хьиз.

Хуьда за вун багьа-багьа са зат1 хьиз,

Шадвилелди гъиле кьадай тарат1 хьиз!


Ават1ани гьар са хизан патарал,

Агудзава вуна чи руьгь, лезги ч1ал.

Хуьда за вун манидалди рик1ел гъиз,

Цаву вичин къужахдавай гъетер хьиз!


Ван аваз хьуй чи дагъларин рекъера,

Аялринни ч1ехибурун рик1ера,

Лезгинкадин макьам галаз чи гафар.

Бахтлу хьурай куьн гьар са югъ, лезгияр!


Хьайит1а зун маса халкьдин арада,

Жеда вун зи фикирдани, хиялда,

И дуьньяда чаз виридаз дамах яз,

Яд хъвайикьван, тух тежедай булах яз.


Хуьда за, зун кьейилани, т1варунал,

"Хана, кьена" - амукьдай кьве гафунал...


        Перевод с лезгинского

    Храню тебя


 Родной язык храню в душе своей,
Как мысли в сердце наших матерей.

Он для меня - бесценная награда,
Как знамя - флаг победного парада!

Судьба повсюду разбросала нас,
И только он единство наше спас!

Храню тебя я песней на устах,
Как небо свои звёзды на руках.

И пусть звучит "Лезгинка" вновь и вновь
В душе детей и даже стариков,

В дорогах наших эхом до вершин!
Пусть счастье в доме будет у лезгин! 

Среди других,вдруг,наций окажусь -
Вся мысленно в него я окунусь,

Храня на свете гордость нашу в нём,
С водой целебной,вечным родником.


Хранить не перестану после смерти
Парой слов под именем...поверьте.



* * * * * * * * * * *




 
Вун хайи югъ.
Стхадиз.

Вун хайи югъ берекатлу югъ хьана,
Варар вири бахтариз ачух хьана,
Атурайман вири ийиз мубарак 
Ярар -Дустар ,акъайна ви кIвалин рак.

Припев :
Стха я вун,стха я вун ,стха я!
Дидедин рик1 алай инсан-са хва я!

Вун дидедиз авай рагъни я дамах,
Вун вилериз нур гузавай я чирагъ!
Ви т1вар кьурла вилик физвалда к1валах!
Вун чи экв я, вун чи бахт я, вун - са дагъ!

Жив авайла чанда чими гад хьурай,
Вун хьтинбур гьар мягьледа къад хьурай.
Ви уьмуьрдин йикъар вири шад хьурай,
Хайи югъни са виш сефер мад хьурай!

* * * * * * * *

ИЧИН ТАРАР РАХАЗ АВАЙ

Заз цаварай ванер хьана,
Ичин тарар рахаз авай:
Дувулрикай къванер хьана,
Рик1ер аку чи т1азавай.

Лезги чилел алат1ани,
Чаз яблоко лугьузава,
Чун бегьер гуз ават1ани,
Чи рик1ер гьак1  ц1ураз ава.

Дувулдиз яд гьик1 к1ан ят1а,
Ватандизни ширин я ч1ал,
Лезги чилин инсан ят1а,
Рахух вунни лезги ч1алал.


***.  ***.  ***.  ***


АФИСАТ

Ицигна за чуьнгуьр зи хурал,
Лугьуда за чи лезги ч1алал,
Гатаз , гатаз  ч1угунвай симер,
Зи манияр са рушаз иер.

Я Афисат, Афисат,
И дуьнедал алай сад
Я Афисат, Афисат,
Вун хьтинди авач мад.

Вун цаварин арада  аваз,
Са гъед хьана акурт1ани  заз,
Гъетерикай вили цаварин,
Чир жеда заз иер вилер вин.





ЧИ ДУСТАРИЗ
;;;;;;;;;;
Дуст лугьуз жеда са багьа инсандиз,
Фейила зун адан к1вализ мугьмандиз,
Акурла шад хьана цавуг  гекъигдай.,
Шадвални дерт хьайила зи патаг жедай
;;;;;;;;;;;;
Багьа я заз вири, вири зи дустар
Куьн я заз бахтунай ганавай паяр,
Хъуьрез жеда вири чилерни  цавар,
Зи дустариз  за багъишайла  манияр.
;;;;;;;;;;;;
Жагьайт1а халисан дуствилин къуват,
Цаварни шад хьана, жеда аламат,
Багьа я  дуствилин виридлайни дад,
Дуст авачир инсан квел жедат1а шад?
;;;;;;
                Селминат Курабекова
















ВЕГЬЕЗВА ЗА АДАН ТУМ.

Рехъ це лезги ч1алаз ,дустар,
Ракни, пенжер акъая.
Стхаярни, лезги вахар
Хайи ч1алаз чара (а)я!

Дагьларивай яргьа рекье
Авазва чун,авазва.
Иер чи ч1ал аваз рик1е ,
Маса ч1алал рахазва.

Чи лезги ч1ал мугьман хьана
Атанава к1валериз,
Ширинвилел гьейран хьана,
Шад хьана чи рик1ериз.

Лугьузва квез чи гафари
К1евиз:  - Салам Алейкум!
Тежедайвал чи ч1ал кьери,
Вегьезва за адан тум.

Ви бине заз  хьанайт1а чир,
Чан зи хайи дидед ч1ал,
Чуьнуьхардай за вин эхир,
Жегъин тийир са чкадал.

Гьар шегьерда,гьар са к1вале
Лезги ч1алан ван хьурай ,
Ават1ани куьн яргъара,
Рик1ера ватан хьурай!



Перевод с лезгинского.
СЕЮ СЕМЕНА.

Моему родному языку
Все откройте окна и ворота,
Братья, сестры, я вам помогу,
Это очень важная работа!

Кто от гор сегодня вдалеке,
Или, может быть, и очень близко,
Говоря на новом языке,
На душе у нас язык лезгинский.

В гости он зашёл сегодня к вам,
Радостью дома, теплом заполнил,
Я прошу ,прислушайтесь к словам,
Счастьем ваши он сердца наполнил!

Как во все былые времена,
Он сказал вам всем: -  Салам Алейкум,
Сею я его здесь семена,
Чтоб остался наш язык навеки.




Как узнать твои истоки мне,
Мой язык, и где твоё начало,
Чтобы спрятать где-нибудь на дне
Смерть твою, чтоб о тебе не знала.



И в больших, и в малых городах
Пусть язык родной звучит  в домах,
Помните, любимый Дагестан -
Это наша родина - ватан!

    *.  *.  *.  *


Лезги. ч1алал кхьенвай шиирар
ЗАЗ мад ава,ина вири авач,
Гизафбуру ,заз хабар авачиз,абур
Манийрик кутазва.
Герек ят1а заз лагь,за квез личкадиз
Агакьарда.




А ЯЗЫК НАШ КРАСИВ И БОГАТ


Я лезгин!И я этому рад!
А язык наш красив и богат,
На глаза ,приведу я пример,
Говорят у нас нежно вилер.

А на маму,наверно нигде,
Так красиво не скажут Диде
А на Родину,свой Дагестан,
Говорят все с любовью-ВАТАН!

Называют любимых -Зи яр,
А подарки со свадьбы -паяр,
А весна- это  точно- гатфар,
Ветер ,очень коротко,-гар.

Кто нарушит покой, как тиран,
Он для всех поколений-душман!
А "Салам "если громко сказал,
Ты мне друг- позову на хинкал.


  * * * * * * * * * * * *

 
Гьикьван иер язва чи ч1ал.

Зун лезги я! Тикрарда за
Шадвилелди и гафар!
Гьикьван иер язва чи ч1ал ,
Яб це :вилер,чил,цавар.

Виридлайни багьа касдиз
Диде лугьуз рахада,
Жуван хайи Дагъустадиз,
Ватан лугьуз дамахда.

К1анибуруз лугьуз - зи яр,
Мехъерик виридаз паяр,
Гьикьван иер гаф я гатфар!
Пуд арфункай гар хьана,гар!

Къал авурдаз чи арада,
Ам чи душман я лугьуда,
Салам гана рахайбуруз
Илифарна ,хинкьяр гуда.


*.  *.  *.  *.  *.  *


 



   
ЗАНИЯТ.

Лепе гана гьуьлерал.
Элкъведа зун хуьрерал.
Заниятан   иервал
Садра мад аквада жал?

Канахьи хажалатри,
Рик1 кьве патал падна зи.
Жегьилвал вун галачиз
Акваз-такваз катна зи.

Авазва зун чин тийиз
Акъатнат1а вун гьиниз,
Темен гудай за чилиз,    
Гел къалурай вилериз.

Цуькедиз ухшар авай
Заниятан т1вар алай,
Милли къвер сивел алай 
Жегъизвачхьи хуьрерай!

К1андачир мад маса зат1,
Жагъанайт1а,
Заният,
Ви гъилелай са хуп1 яд ,
Са хуп1 яд!


* * * * * * * * *

   ИЛИФАРДАЙ.

Са руш алай чи къуншидал,вах хьтин,
Гьинават1а чирвал гузвач садазни .
Иервални авай вичиз ,рагъ хьтин  ,
Гила к1амач адаз чакай рахазни.

Шумуд йис я заз вун ерли такуна?
Гьинава вун,т1варни дегиш авуна?
Темен гудай за ваз къужахда кьуна,
Илифардай к1вализ ,ашни авуна.

Ч1ехи шегьер к1вачик адан хьайила,
К1амач адаз хуьре амай инсанар,
К1андай хьи заз, ширин чаяр цайила,
Салам гана ачухнайт1а зи рак1ар.

Шумуд йис я заз вун ерли такуна?
Гьинава вун,т1варни дегиш авуна?
Темен гудай за ваз къужахда кьуна,
Илифардай к1вализ ,ашни авуна.

К1андач заз ви хазинаяр,девлетар,
За ваз ниси, некни , кьурай як гуда ,
Гъвеч1и ч1авуз зунни вунни юлдашар,
Манидалди рик1ел хкиз лугьуда.

Шумуд йис я заз вун ерли такуна?
Гьинава вун,т1варни дегиш авуна?
Темен гудай за ваз къужахда кьуна,
Илифардай к1вализ ,ашни авуна.


***** ***** *****


Эред булах.

Эред булах, са кварцевай
Яд к1анда заз ви бинедай,
Лезги чилин дереда (а)вай
Булахдин яд ширин жедай.

Кварар къуьнел алай рушар
Дамахдивди рекье жедай,
Ийиз ширин эхтилатар,
Абур шаддиз хъуьрез жедай.

Эред булах,эред булах,
Ви бегьер я къацу яйлах,
Михьи йицел ийиз дамах,
Ам хъвайибур жезава сагъ.

Эред булах ,эред булах,
Вун яни женнетдин са тах?
Я тахьайт1а адан патай,
Лезги чилин пай яни, пай? 

Припев:
Лезги чилин хуш девранда
Булах ава чаз эредин,
Адан патав заз аквада
Камарин гел зи дидедин.



***.   ***.    ***.    ***


   ЭВЕРА ЗАЗ,ЭВЕРА!

 К1ан я заз вун!
 Цава авай гъетерилай
 К1ан я заз!

 Гьик1 за лугьун
 Тежедайла са  вил галаз
 Вав(ди) рахаз

 Карагзава зи вилеркай-
 гъил къуна
 Акалзава зи гъиликъ
 туп1ал вуна.
 
 Рик1е хиял ,
 фикир вакай тунва за,

 Твакадайвал накъвар,
 селлер кьунва за.

 Гьатнава зун
 к1анивилин ракьара
 Чидани квез
 и азарвилин чара?

 Цаварани
 жегъидайтуш,чилера!
 Дарман сад я -
 эвера заз эвера.


Ац1анва рик1
Гьуьлелайни дериндиз,
Алахьиз.
Ам тада гьик1,
Чанда авай жаза хьиз?


 Ихьтин нурар
 Хуьзавайбур рик1ера
 Мад ават1а вил алайбур,
 эвера!




    *   *   *   *  *


Чуьнгуьр яни рахайди.

Лап рик1ивай рахазва
Чуьнгуьрдин симер,
Заз макьамдай аквазва
Ви рик1ин сирер.

На заз лагьай гафарин
Себеб акъая ,
Гъетерихьиз цаварин
Нур гузвай пара.

Жедач залай чилерал
Бахтар авай кас,
На ви ширин мецелай
Гаф гайит1а заз.

Чуьнгуьр яни рахайди,
Ва  тахьайт1а вун ?
Секин тазвач суалди :
К1анид ят1а зун?


Ван ат1узва манидин
Симери ракьун,
Чуьнгуьр я ви к1аниди,
За мад вуч лугьун?





***.  ***.  ***.  ***.  ***


 

     ХАЛАЯР.

Къе заз хуьре са  аламат акуна
К1усн(и) амачир диде хьтин са хала.
Чан халадин лугьуз ада жузуна,
Гьик1 ава вун,гьинай я вун чан бала?
 
Припев:
Чан халаяр,куьн дагъларин нурар я,
Чан халаяр, Куьн   чи дидевахар я!
Чинар лацу авунавай марфари.
Хъуьхъвер яру авунавай къайари.


Ван хьайибур зи ч1алахъни ягъадач,
Бес гьик1 жеда?Чирна к1анда и к1валах.
Я чан диде,на заз вучиз лагьанач?
Лагьанач на ваз авайди мад са вах.

Припев.

Дидеди  зун ацукьарна устулдал,
Ам хуьрерин адетар я лагьана.
Нагагь хьана мад гьалтайт1а хала вал,
Дидеди ,лагь, вахаз  салам вугана  .

Припев.

*****     *****    *****


Садазни к1андач акьадай гаф пеле.


Лайихлудаз вуч гуда лагь,савкьат яз?
Жуван чанни гуз гьайиф жедач адаз.
Жегьеннемдилайни зурба гуж ава - Лайихсузрин арада дуьнедаллаз!

Вуч лугьуда? Инсанар я гьар журе.
Късанбурни кьаз жедач вири гъиле,
Пехилбурни ава ксар гьар хьуьре,
Садазни к1андач акьадай гаф пеле.

Женнет багъ я  дидедин т1вар алай кас,
 Адан вилик гунагь я к1евиз рахаз.
 Гъимир диде садрани гьахтин йикъаз:

 Мет1ерал акъвазна минетдай  садаз

    *****    *****    *****





ВУН РИК/ЕЛАЙ АЛУДДА ЗА.

Куьтяъ тежер къаяр хьана,
Дамарра (а)вай иви къана ,
Вучда абур рик1ел гъана-
Кайи рик1из азаб гана?

Секин хьухь вун,гьараймир рик1,
Рагъ къведа мад,цавуз килиг-
Ква гатфарин йикъар вилик,
Тарари мад акъайда  цуьк!

Течиз зи рик1 алай цуьквер,
Гъидай на заз къизилгуьлер,
Цацар вири ат1уда за ,
Вун рик1елай алудда за.


   ***   ***   ***

Гъетер квахьай цав хьана чун.


Кьисметдикай марф хьана чи,
Чили ч1угур яд хьана
Тек са югъ къадар хьана чи-
Вил галамай дад хьана

Ви ч1арарин бурма кифер
Гару гъиле  кьазава,
Ахъатзавач яргъи йифер,
Вун рик1е авазава.

Гъетер квахьай цав хьана чун,
Сад садаз жегъин тийиз,
Ацахьзавай къав хьана чун,
Бахтунин рекъ чин тийиз.

Варз алачир мич1и йифер,
Заз са герен ахвар це.
Муьгьуьббаттихъ кайи рик1ер
Мад ават1а,хабар це....


    ***   ***    ***

 

     *    *    *

      ДИДЕДИН ДАМАХ

 
    
Дуьньядиз кам вегьей ч1авуз
Самурдин вац1 патаг гвай.
Зун лепедин лув я лугьуз,
Адаз дигай т1вар ицигнай.

Цавай хъвазвай марфадини,
Далдамдихьиз чил гатазвай.
Дидедивни,бубадивни
Пачагьривхьиз дамах гвазвай!

Гьахьтин дамах хуьн паталди,
Ядни хвадач за са ст1ал,
Цуькверин багъ тух жедалди,
Акьвалтнавай куь сурарал.

Кьил акъудда за пенжердай,
Нвагъ садазни такуй лугьуз,
Авахьзавай зи вилерай,
Зун дидедиз хайи юкъуз.

Къе за чуьнгуьр гъиле кьада,
Дидедин рик1 шад жедайвал.
Дериндай гафар лугьуда,
Ракьун симер кьат1 жедайвал!




****   ****   ****



ВИЛЕРИЗ

Песню на эти слова исполняют группы МЕЛОДИЯ,САМУР ,ГАПЦАХ И ДРУГИЕ.




Манид ван атуй цавуз
Вун захъ галаз рахай ч1авуз,
Гьарайна жезавач лугьуз,
Т1ал аваз,эх тежер...

ПРИПЕВ

Вун акваз к1ан я зи вилериз,
Яр,зи вилериз,
Жеда зун ахварайни,к1анид,
 са ваз эвериз!

Секин ахвар катнахьи зин,
Рик1е гъамар гьатнахьи зин
Гатун варцар хьана хьи зул,
Фикирар хьанва бул.


ПРИПЕВ


Вун акваз к1ан я зи вилериз
Яр, зи вилериз.
Ахварайни жеда зун,к1анид,
 са ваз эвериз!





*** *** ***   ***

  ЗА ГАЙИ ГАФАР АВА.


Заз зи к1ани яр ава,
За гайи гафар ава,
Заз килигиз жемир вун,
За зи ярдиз вуч лугьун?

Ваз рушарин арада
Вучиз са зун аквада?
Вун мекъерикни меле
Гьатмир гада зи геле.

Вун авазвай дердери
Лугьузва вин вилери
Вун физвай рекъ зи рекъ туш,
Заз маса кас язва хуш.

Гьич далдадик гар жедач,
Закай вазни яр жедач.
Нуьк1вериз лувар ава,
Заз са к1ани яр ава.



    ***   ***   ***


   Заз ван к1ан я

Къимет жедач даим дахьай бегьердиз .
Заз ван к1ан я лезги ч1алан гафарин.
Арфаригай лугьуз жедач иердиз
Къверни рахун,яд гъиз физвай рушарин .

Лагьай гафар ,шадвал авай межлисдал,
Гьикьван къуват гудайбур я рик1ериз!
Гьак1ни къати ийида чи кьилин т1ал,
Рахаз тежез,нвагъ атайла вилериз.


      *   *   *

ЛИАНА

Вил гала ви вилерихъ,
Санал фейи гелерихъ,
Ваз гуз дахьай цуькверихъ,
Рик1ин дарман, Лиана.

Къашарикай багъишна къизилгуьлер,
Аялди хьиз кьил ицигдай за мет1ел.
Таквадайвал атай накъвар зи вилел,
Зи бахтунин къати виляй, Лиана.
 

  * * * * * * * *

Кто использует мои слова в песнях ,указывайте автора.Авторские права на этом сайте защищены Законом.



   ШИРИН БУБА.

Цавал ала вил дидедин,
Мус эверда лугьуз вуна.
К1амач адаз фу дуьньядин
Амачирла юлдаш ина.

     Буба, буба лугьуз - лугьуз,
     Ам хтулриг къугъвазава.
     Чирна ада вирибуруз:
     Ширин буба цава ава.

Ам туна Вун фенва цавуз
Накъваризни, сефилвилиз.
Дидедин рик1 хьанва ялгъуз
Амач лугьуз еси к1вализ.

     Деминиз вири фидайла,
     Дидени галаз чу фена.
     Ви макьамдин ван атайла,
     Вили накъварал ишена.

Буба, буба лугьуз - лугьуз,
Ам хтулриг къугъвазава.
Чирна ада вирибуруз :
Ширин буба цава ава.
   
     Тежедайвал диде дарух,
     За т1алаб яз, гаф лагьана:
     Бубадин т1вар хкидай югъ
     Це ,чан Аллагь,магь лагьана.

*    *    *    *    *    *

СУНДУХДАВАЙ ДИДЕД ШАЛ


Вегьеда за гардандиз
Сундухдавай дидед шал
Цаваризни,дагълариз
Акъайда зи рик1ин т1ал.

Эй багьа экуь дунья
Ву туькьуьлни ширин я!
Вуна ц1ай хьиз кумир зун,
Зи фикирар дерин я.

Виридлайни азизбур
Душмандиз  гьик1 элкъвезва?
Цеман зи чандиз сабур,
Зун дили-дуван жезва.
 
Жедани бес са кварце
К1анивални душманвал?
Заз,жедат1а,жаваб це
Яд гьик1 пайда кьве патал? 




    *    *    *    *    *
    ЯРГЪАЗ ЖЕМИР.

Экуьн кьиляй за лугьузва и мани
Вун хьтинбур дуьнедал мад  амани? 
Вучиз ят1а суьгьуьрдин сир ахъая,
Ви камарин гелерни заз багьа я!!!

Вун зи рагъни зи нефес я,
Лап рик1ивай хьанава заз к1ан,
Вун патав хьун зи гьевес я,
Заз багьа тир, зи к1ани инсан.


Вун зи рагъни, зи уьмуьрдин дад хьана,
Физва вахтар вун галачиз, яд хьана.
Жемир яргъаз, ваз минет я завай,
Рази я зун гьавадал,яр,вун авай .

Зи нефесди агакьарда цаварал, 
Чир жедайвал  ваз, к1анид, зи рик1ин т1ал.
Вун галачиз зи яр, зун сефил жеда,
Вун хкведай рекьерал зи вил жеда.



Вун зи рагъни зи нефес я,
Лап рик1ивай хьанава заз к1ан,
Вун патав хьун зи гьевес я,
Заз багьа тир, зи к1ани инсан.



***    ***   ***    ***


ЗУН МАНИЙРИН УСТАД ЖЕДАЙ

Къведач цаварни, чуьллер ин
Дагъди авай са булахтихъ ,
Гуда жал заз са хуп1 вичин
Зин рик1евай муьгьуьббаттихъ ?

Зун манийрин устад жедай,
А булахдин яд хванайт1а,
Гьар пакамакь зин пенжердай
Дагъдин дамах акунайт1а.

Цава авай лацу цифер,
Куьн михьивал зазни к1андай,
Жедай зунни гьакьван иер,
Килигайла экв аквадай.


             перевод с лезгинского


   Я БЫ ПЕСНИ ЗАПЕЛА

Эти степи, поля и земные просторы
Не сравнятся с живою водой родником,
Что пробился в ущелье сквозь камни и горы.
Дай глоток за любовь, что на сердце моём.

И от этой воды, я бы песни запела,
О которых никто, никогда не слыхал, Если б я по утрам из окошка глядела
На наряды, ещё не проснувшихся скал.
 
Облака, мне бы вашей души белизну
На лицо, чтобы так же светилось насквозь.
Подарите мне блузку такую одну
И я стану прекраснее звёзд. . .



          *    *    *.  *

  ВУН НВАГЪ ХЬАНА ЧИНАЛ АЛА.

Зи япара ви ван ама,
Ви гъилерикъ вил галама, 
Хабар кьадай гафар ама,
Чан зи диде,чан зи диде

Зи сирер за низ лугьуда,
Т1ал гьатайла зи хуруда
Вунахьиз темен ни гуда?
Чан зи диде,чан зи диде.

Вилер зи рик1инал ала,
Мад ни лугьун заз -Чан бала?
Вун нвагъ хьана чинал ала,
Чан зи диде,чан зи диде.

Рик1 акъатиз вахъ вил гала,
Вуна чурай факъ вил гала!
Вун галачиз  вучда гила?
Чан зи диде,азиз диде.


   ***   ***   ***   ***


      ЗИ ЯР.
Спасибо гр.МИРЕС за прекрасную песню на эти слова.

Самур вац1ун хвадай,михьи яд хьтин,
Тарал алай лацу п1инид пад хьтин,
Гарданд авай са нур гудай хат хьтин,
Вун заз гьинай жагъайди я,зи яр.

Экуьн кьиляй ишигъ гудай рагъ хьтин.
Берекатдин бегьер гудай багъ хьтин,
Шадвилелди чинал атай нвагъ хьтин,
Вун жагъайдан уьмуьр женнет я,зи яр.


Вун рагъ яни, вун варз яни,
Вун экв гузвай чирагъ яни,
 Зи рик1ин сир, зи бахтавар
Вун женнетдин са багъ яни?

Рик1 акъатна вал вил алаз,
Мус жеда чун санал, зи яр.
Милиз къуьрез, ширин рахаз,
Хуп1 ашукь я зун вал, зи яр.


    *    *   *




   Дагьдин марал,ФАРИЗАТ т1вар алай руш!


Мулдин цуьк хьиз гьикьван иер аквазва!?
Ви сесинин ван хьайила ц1уразва, 
Лезги ч1алаз дамах гайиди язва
Дагъдин марал-Фаризат т1вар алай руш!

Заз авайди ви фикир туш,делил я-
Гьайиф хьи заз авайди тек кьве гъил я.
Ваз багъишиз цуьквед багъни т1имил я,
Дагъдин марал-Фаризат т1вар алай руш!

Ч1улав ч1арар ганва  ваз махпур хьтин,
Гъетер авач,ви пелевай нур хьтин, 
Къизилгуьлдин цуьк къеневай т1ур хьтин,
Дагъдин марал- Фаризат т1вар алай руш!

Суьгьуьр садазни чир дахьай суал я,
Сес ,налугьун,цавун михьи ст1ал я,
Ц1ийи сусал ,лишан яз ,вегьей шал я -
Дагъдин марал, ФАРИЗАТ т1вар алай руш!


   *    *    *    *

    ЦАВУН НВАГЪ

Мулдин цуьк заз цавун нвагъ хьиз аквазва,
Майдин вацрал шад я ама, шедайвал.
Адан рангар гамун фура за тазва,
Вегьей чилик бахтунин пай жедайвал!

Къерехъда за пешерни цацар твада -
Вил алукьдач зи к1валевай бахтунал.
Кьизилгуьлдин цуьквер абрин арада
Акъвазда шад хабар галаз атунал!

   *    *    *    *


   




Са чилин бегьер я чун.

Бахтар жедач инсандиз
Хайи чилни,цав такваз.
Къфизва зун ватандиз
Рик1е фулни ц1ай аваз.

Патарал алайбуруз
Дагълари эверзава-
Вегьез гамар гьар гатуз,
Квел вил алаз жезава. 
 
Агакьайла чилерал
Кьакьан дагъдин буй авай,
Ц1арц1ар гузвай вилерал
Нахъвар кьаз хьанач завай.

Заз цуькверни къуьрезва,
Чир хьана жал абриз зун?
Чин дувулар сад жезва-
Са чилин бегьер я чун.

       *    *   *   *



Мугьман хьайи бахт.

Акъваз лагьанач за яр,ви камариз
Гьазур хьана фидайла вун яргъариз,
Чидачирхьи гьикьван залам кар ят1а,
Яргъара хьун  гьикьван залам пар ят1а.

Яб ганач за зи гьефесдин хиялдиз,
Лагьанач за акъваз,фимир зи ярдиз,
Ахквадачирди вилериз чидачир,
Ам шадвилив ац1анвай зи дуьне тир.


Рик1ин къене авай хиял чинтийир,
Мегьман тирт1а бахт, рик1елай фин тийир?
Зи фикирар алатзава рекьелай.
Мугьман хьайи бахт физавач рик1елай.

Тадани ик1, тадани перишан яз,
Кана алахьайхьтин ц1аюн лишан яз?
Ви рик1ел хер хьанат1а жал, пашман яз?
Зи сивел къвер жедат1а мад,чидан ваз?





        ВУН АМАЧ

Югъни жезмач, эквни жезмач. Мич1и  я.
И дуьньядин тамар, чуьллер ич1и я,
Дар хьана рик1,заз амай рекъ гъвеч1и я,
Гьарай, эвер ,себеб сад я - вун амач!


Хкажна лув,цавуз фидай алач гьал,
Гилани зун вил аламаз ама,вал,
Ат1узамач чанда авай рик1ин т1ал,
Гьарай , эвер, себеб сад я  - вун амач!


Дегиш хьанва цуькерин рангарни заз,
Накъвари зун тазва кьуразни, ц1ураз,
Жезамачхьи баркаван хьайибур  кьаз,
Гьарай, эвер, себеб сад я - вун амач




    *   *   *   *   *   *



        Герек я вун.

Герек я вун,шадвал рик1е авайла, 
Гьак1ни сефил йикъар  кьилел атайла.
Ширин я вун вирт1едилай заз диде,
И дуьньяни к1анда вун амаз диде.

Вучда цава  нур гузавай гъетеркай,
Дидедин ван амачирла, сесеркай,
Вун галачиз - рахъинин экв т1имил я,
Вун амайкъван вахтуна - зун жегьил я

Дидед фикир китабрилай дерин я,
Абур к1елиз,  алакьдайтуш - четин я!
Чан диде,ваз секинвал гьарам яни?
Вун зи рик1из иви гузвай дам яни?!

Ахвар тежез дидедиз йифиз-юкъуз ,
Балайрикай рик1ин къене цаз авай
Цававай вацравай са суал жузуз,
Адахъ галаз санал дерт ч1угвазавай...





* * * * * * * * * *



    Гумир Аллагь,гумир...

Йисар -булахар я,
Яд хьиз катзава,
Амукьдай са т1вар я,
Гъед хьана цава.

  Гумир Аллагь,гумир
  Заз сефил йикъар,
  Зи вилерал гъимир
  Рик1 паддай нахъвар.

Ракъин нурар кьандай
Гьамиша кьилел,
Гюзел тир ижрандай
Нюк1верин ванцел.

К1ан я,к1ан я, к1ан я
Цаварни,чуьллер,
Багьани масан я
Заз чими рик1ер!

   ***   ***   ***


Зун гъетер квахьай цав хьиз ава.

Вун аквадай са югъ гана заз,
К1анивал вуч ят1а чирна заз.
Жезавач вахъгалаз мад рахаз,
Вучда за и дуьньядикай мад?   2 раза.

Зун гъетер квахьай цавхьиз ава,
Йикъар йиферни мич1из ава.
Зун ацахьзавай къавхьиз ава,
Т1илиярхьиз накъвар физава.

Ви ч1арар -бурма яргъи кифер ,
Гъиле кьаз гарни къугъвазава.
Алатзавач рик1елай вилер.
Дахьай кьисмет рик1е
        т1аз
              ава.



   ***   **   ***   ***

Сагьрай зи лезги вахарни стхаяр, икьван рик1 алаз к1елзавай зи ч1алар!!!!Аллагьди хьурай куьн,рик1 гьамиша шад хьурай,дак1анвилер гьич садазни тахьурай,Аллагьди гудай ксаркай хьурай гьар са лезги инсан !!!!! 


******************