Азиягъа алыб кетдиле,
Саулай дуньягъа джау ат бердиле,
Богъан рысхыны джер къан этдиле,
Ашхы муратланы теплеб кетдиле!
Сабийлерин къаты къучакълаб
Бермейдиле таулу анала
Ёлгенлерин тууар вагондан
Атыб баргъанла ит мурдарла!
Малкъарым-къарачайим
миллетим-сюйген джерим
Миллетим дейдиле халкъ
Миллетим болма мыдах!
Малкъарым-къарачайим
миллетим-сюйген джерим
миллетге тилейме Аллах
миллетни этме мыдах!
Он тёрт джылны тынчлыкъ кёрмейин
Миллет джашайд джукъу билмейин:
"Джуртубузгъа, туугъан джерлеге
Джюрек тартад, эсим бёлюнед"
Миллетим кёргенсе къыйлыкъ
Миллетим сынама ашлыкъ,
Адамлагъа къартха эм джашха
Сен бер, Аллах, рахат джашаргъа!
Депортация Карачаевского Народа. 2004г
© Copyright: Уртенова Аминат, 2015
Свидетельство о публикации №115031106619
Свидетельство о публикации №115031106619
Рецензии