Хъсан жедай..

Рази жезвач Сад Аллагьди гайидал,
Ашукь жезва дуст дустунин к|анидал,
Гагь гьалчзава пис къаргъишар къенидал,
Хъсан жедай гьахьтин ксар тахьайт|а
Гьар инсандиз намус-гъейрат авайт|а

Саймишзамач диде,буба,балаяр
Исятда лап ч|урузва чи гадаяр,
К|анда лугьуз ,пата аваз чара яр,
Хъсан жедай гьахьтин ксар тахьайт|а
Гьар инсандиз намус-гъейрат авайт|а

Так|андазни пагь дуст лугьуз къекъвезва,
Халис,дугъри,кесиб касдал хъуьрезва,
Пул гвай рушар чи гадайриз к|ан жезва,
Хъсан жедай гьахьтин ксар тахьайт|а
Гьар инсандиз намус-гъейрат авайт|а

Дуьз инсандиз зарар гузва угъриди,
Пул хьайила салам гузмач къуншиди,
Пул къвезмай кьван хуьзва к|вале кьуьзуьди,
Хъсан жедай гьахьтин ксар тахьайт|а
Гьар инсандиз намус-гъейрат авайт|а

Аллагьдихъай кич|езамач инсанриз,
Са бязибур элкъвена лап гьайванриз,
Чин ачухзач к|вализ атай мугьманриз,
Хъсан жедай гьахьтин ксар тахьайт|а
Гьар инсандиз намус-гъейрат авайт|а.