Дагъиста лусентаур
Х1ялалли х1ердиранти,
Дях1 датли х1ердиранти,
Кьяшми кункли дулхъанти.
Бурги х1яндиаллира
Урк1би х1янх1едиранти,
Чум балагь дак1аллира
Г1ела хихх1едиранти.
Гьалмагъдешра мардешра
Мургьилис х1едирцанти,
Чум г1ях1ял бак1аллира
Някъ ц1ац1али бурцанти.
Ламуслис, гъабзадешлис
Дубуртачирра ахъти,
Гьар кайц1урси ганзличир
Дазуличирван сахъти.
Кавказла дубуртиван
Ват1ан багьандан т1ашти,
Урк1бала х1яланазир
К1ибях1яндеш агарти.
Ва дила дубурланти,
Мях1кадарая диги,
Бахъ бярг1или бирарну
Диги агарси анкъи.
Дубурланти
© Copyright: Айдимир Каймаразов, 2015
Свидетельство о публикации №115022409371
Свидетельство о публикации №115022409371
Рецензии