К. Симонов. Жди меня

К. Симонов
Вилив хуьх зун…

Вилив хуьх на, хкведа зун.
Вилив хуьх хъсан,
Гъидайлахъди гъамар зулун
Марфари яман.
Вилив хуьх, жив атай чIавуз,
Зегьем гьавада,
Вилив хуьх, вил атIай чIавуз
Вуна чарадан.
Вилив хуьх, лап яргъай чарар
Хквен тийирла,
Вири вилив хуьзвай ксар
Бизар хьайила.

Вилив хуьх на, хкведа зун,
Килиг на чIуруз,
Ч1ав я, рикIяй ам акъудин-
Лугьузвайбуруз.
Дидени хва хьурай чIалахъ,
Зун амач лугьуз,
Дустарни, вил галамаз захъ,
Килигиз хьуй цIуз,
Хъурай гила туькьуьл чехир,
Зун рикIел хкиз…
Вилив хуьх гьа, хъвамир эхир,
На абуру хьиз.

Вилив хуьх на, зун хкведа
Кьиникар хана.
Лугьуй, вилив хуьн тавурда:
Бахтуни гъана.
Четин жеда адаз кьат1ун,
ГьикI арада цIун
Вилив хуьнив хвена вуна
Къадайрикай зун.
Чир жеда гьикI сагъ амукьун
Тек са вазни заз,
Икьван хъсан, икI вилив хуьн,
Хас тир кьван тек ваз.

(Лезги ч1алаз шиир элкъуьрайди Билал АДИЛОВ я)

..................................
* * *
Жди меня, и я вернусь.
Только очень жди,
Жди, когда наводят грусть
Желтые дожди,
Жди, когда снега метут,
Жди, когда жара,
Жди, когда других не ждут,
Позабыв вчера.
Жди, когда из дальних мест
Писем не придет,
Жди, когда уж надоест
Всем, кто вместе ждет.

Жди меня, и я вернусь,
Не желай добра
Всем, кто знает наизусть,
Что забыть пора.
Пусть поверят сын и мать
В то, что нет меня,
Пусть друзья устанут ждать,
Сядут у огня,
Выпьют горькое вино
На помин души...
Жди. И с ними заодно
Выпить не спеши.

Жди меня, и я вернусь,
Всем смертям назло.
Кто не ждал меня, тот пусть
Скажет: - Повезло.
Не понять, не ждавшим им,
Как среди огня
Ожиданием своим
Ты спасла меня.
Как я выжил, будем знать
Только мы с тобой,-
Просто ты умела ждать,
Как никто другой.
1941