Жьыбгъэ машIоу узыхьыгъэм,
Утын лыеу къыуихыгъэм:
ГумэкIыгъоу къытфихьыгъэр -
ТишIулъэгъоу трахыгъэр.
УпчIэгъожьы тэ ташIыгъэп,
Сыд шъузфаер къытаIуагъэп:
Сыгу хэкIы къыташIагъэр,
Зэсэгъафэ тфэмышIагъэр.
Сыда гъурдмэ тядэIугъа,
Гъогу пхэнджы тырыкIуагъа,
Тызэу, тпкъыкIэ тымыхъуагъа
ТишIулъэгъу - зытырядгъэхыгъа?
Лъы итыгъэба тыкъыным -
Тигъэщтагъа лъэшэу къиным?
Сыда пыим тэ зеттыгъа,
Сыда тпсэхэр тымытыгъа?
Хымэ чIыгумэ тарыхьагъэу,
Тэ тфэмыхъоу къэтэкIуахьы;
Тимылъагъо тытехьагъэу,
Лъпкъы кIодэу тэ тэкIоды.
Сыда ормэ зядгъахьыта?-
Танахьдэеп тэ тищэпкъкIэ!
Сыда зыпчэу тымыштэта,
Зы зытшIынэу тэ тилъэпкъкIэ!?
Зы лъэпкъ
© Copyright: Анатолий Зекох, 2015
Свидетельство о публикации №115022003695
Свидетельство о публикации №115022003695
Рецензии