Хата ў дзеда крыта гонтам.
У куце вісіць абраз.
Беларускае Таронта -
Нашай памяці абвяз.
Колькі лёсаў тут сплялося,
Каб звычаі захаваць
Той зямлі, дзе думак восень
Засталася зімаваць
Не з жаной на цёплай печы,
Не з каханым ля акна -
Лёс трывожны чалавечы
Да Канады шлях праклаў.
Там квітнела думак воля.
Там мужаў крывіцкі дух.
Там ліцвінскі герб Пагоня
Распачаў у сэрцах рух.
Эмігранты, эмігранты! -
Колькі Вас сыйшло з зямлі,
Дзе ўчынілі здзекі каты,
Памяць нацыі звялі?
Беларускае Таронта
© Copyright: Валерий Познякевич, 2015
Свидетельство о публикации №115022002823
Свидетельство о публикации №115022002823
Рецензии