Дуьнья я им сад фидайла
Сад хуьквезавай
Са кар акваз сад шедайла
сад хъуьрезавай
Са инсандиз эхиз тежер
дерт хьайла рик1е
Муькуьд жеда вири тахсир
Тваз адан хиве
Акьулу кас аквада ваз
Ктаб гъилеваз
Ахмакь хци тапарарда
Акьуллудай кьаз
Сада вичин сабурдалди
Муьт1уьгъарда гьуьл
Сада ч1уру пулариз
Элкъуьрда къизил
Цана тарар стхайри
Ирандин машмаш
Сада гана бегьерар
Муькуьд хьана лаш
Вуч лагьайт1ан гьуьлуькай
Булах жедай туш
Акьул кьиле авайдав
Дамах жедай туш
18.02.2015.
Дуьнья я им
© Copyright: Гулья Мисриханова, 2015
Свидетельство о публикации №115021909132
Свидетельство о публикации №115021909132
Рецензии