Лъакъо спыт сыуцунэу,
СикIопэ лъагъуи пхырыутыгъ-
ШъхьакIэ сыда сиунэу,
Ошъогум гукIэ ситыгъ?
Сыбыбынэу сыфай сэ тыгъэм,
КъыIысхынэу фабэм икугъу:
ЦIыфмэ ащ щыщэу ястыгъэм
СырыгушIонэу, зыдэсIыгъэу сигугъу.
Сыда сэ сфэлъэкIытыр?
ЦIыф зэрыкIоу сыкъэхъугъ.
Стытыр сыда зыхэкIытыр?
Ащ бэрэ сэ сылъыхъугъ.
СиIэп, цIыфхэр, мылъку пхъуатэ,
СиIэп сыгу фабэ нэмыкI:
СиIэм шъуфаеп, мэбгъуатэ,
Шъузыфаер сэ сэшIэ – "шIомыкI":
ШIункым шъупсэхэр ешъущагъэх,
Ахъщэр хэшъухыгъэу - шъуитыгъ,
Шъугухэр мылъкум ыгъэщтыгъэх,
Шъхьэрышъхьэм, зэкIэ зешъутыгъ.
Сигугъу
© Copyright: Анатолий Зекох, 2015
Свидетельство о публикации №115021711574
Свидетельство о публикации №115021711574
Рецензии