Папе от сабият

Иш дилагъуна виаб
Ада чила виалра
Сунела жагадешли,
Жагабарести дурх1ни.

Къугънас г1ямру дерк1ири
Нушара г1ердуцили
Дила г1язиз абала,
Урк1и х1****кьахъурли.

Дахъал дусми узулри
Х1укуматла х1янчилав
Халал х1урмат сархири,
Школалаб дурх1ни ургаб.

Чумра буч1ути дурх1яс
Шулаби кадатурри
К1илаба кайсутази,
Чумра г1якьлу дурири.

Х1угъунабти бахъбааб
Шкалазиб учительти
Халаси къайгъиличиб,
Физика бяркъяхъести.

Ургъули виадлира
Лявик1усин вилзулри
Г1ясили х1ерик1адра,
Бахъ малх1ямси х1ер саби.

Г1ямру х1ела т1яг1ямла
Т1яг1ям агар мадиаб
Х1ела жагаси т1ама,
Юртлизиб  каммабиаб.

 Бугьтандеш чех1ебирхьид
Ада х1уни чичилра
Бархьдешлег1ев х1у умц1уд,
Леббиалли балк1дешра.

Гьибандира дурх1начил
Саб юлдашичилгъуна
Ада виали виаб,
Х1ера иш дилагъуна.

 Ил х1у ак1уб х1ела ши
Жагабарес узуси
Лебилра улкализив,
Х1урмат сархес виубси.

Мух1ела шилизив х1у
Чейулири ахъ-ахъли
Илкьяйдали ухули,
Калаби х1у арц-мургьи.

Х1ела жагал Пат1имат
Рих1ен мях1камрарили
Жагьх1елайчирра ц1акьти,
Дигайла ц1а адалки.

Халал хъалибаглизив
Сайри ада ак1убси
Баркалла х1ела бег1тас,
Х1у бяркъличи ушибти

Х1ябц1ану урч1емра дус
Бих1ибси х1ела хъали
Г1уррара шуц1али дус,
Ухаб анкъилаб лами.

К1ел урши, х1ябал рурси
Саб х1ела арали бат
Илдала бек1личибад,
Г1ялам бишт1атира ак1.

Ну рахъ гьарахълир сарли
Х1ела гъай ах1ергъасли
Урк1и ц1али абалки,
Кьакьарик1усра х1ечи.

Рахли вайси барили
Риасли нуни ада
Чевверхи набчивадли,
Рургаси ну ришт1али

Х1ела ламусла х1улби
Г1ямрулис хумармадиъ
Х1ела малх1ямси урк1и,
Цайналра пашманмабиъ,

Г1яшулкьяйда ч1умаси
Урк1и урухмабиаб
Шалал дунья лебалли,
Х1улби нургъба мадиц1аб.

Х1ела узила агри
Бих1яхъес ахърира габ
Г1ур ил х1ела юртлизи,
Вайси хабар мабак1аб.

Х1ела дурх1нала дурх1ни
Вец1нали саб бахъбааб
Х1ела г1ямрула бурх1ни,
Аллагьли хъяммадараб.

Ада дила г1язизси
Велкъаби х1у г1ямрули
Х1ела Пат1иматличил,
Дунья лебай ватаби.

Вег1ебш ишти яшавти
Гьарахълир детаурти
Бег1ти цайли батурли,
Вег1 тяйдивирахъути

Чинабара замана
Ну ришт1алли лерх1ела,
Дуц1рухъи кьукьубачи
Х1ела ну каррух1елла?

Школализивад хъули
Вак1айчи х1еррик1ули,
Улкьайла удир т1ашли
Ну х1ерлирирух1ела?

Чинабара замана
Х1у жагьилли сайх1ела
Бек1личир х1яна гъезли,
Ил х1у к1ап1х1евцибх1елла?

Х1янвиубли виадра
Х1ябра жагаси леври
Бях1мудла Муртазг1яли
Иш х1ябкуб ил х1ед саби