Зи пlузарар куз акъатай береда
Рагъ авай югъ серин хьанай дереда
Пlузар лугьун авай михьиз хиреда
Белки зал са бязибурни хъуьреда
Дердин дарман вун тир Диде чан Диде.
Гъвечlи чlавуз завди ширин рахадай
Лай-лай ягъиз заз вуна мясер храдай
Кlвалахарни туна зи патав къведай
Чlехи хьайлани зун къужахда кьадай
Дердин дарман вун тир Диде чан Диде!
Шехьай ара Диде ваз къурбанд лугьур
Гьич садрани зи вуна тахай хатур
Бес гила лагь,ни ийида чан рикl заз
Ацукьнава кlвале тек,гъиз рягьмет ваз
Дердин дарман вун тир Диде чан Диде!
Югъ къандавай зи рикlе гьатзава тlал
вАллаh Диде алуддач рикlелай чlал
Япаравай а ви ширин назик ван
лацу гъилер,заз ийизвай рикlни-чан
Дердин дарман вун тир Диде чан Диде!
Дердин дарман вун тир ДИДЕ чан ДИДЕ
© Copyright: Зарина Мустафаева, 2015
Свидетельство о публикации №115020803844
Свидетельство о публикации №115020803844
Рецензии