Къуншийрин суьгьбет

Пакаман хийирар гьик1 я вун къунши
Секинди хьанани сенфен ахвар вин
Зин патав накь хтанва  хтулар вири
Секин к1вале ван гьатна язух хьанва зин

Лап сивив кьван ац1урна холодильникни
Гваз хтанва зат1арни нез-хъвадай чипи
заз хас гьич зат1ни гвач гъавурда гьат зин
Лагь дуст гьахьтинбур яни аяларни вин

Зун гъавурда гьатна вин , ахвар хьанач ваз
Зун лагьайт1а дарих я хтулар такваз
Аквазвани емишар ,аватиз кит1из
Салаз къвезвач са касни , ат1уз нез вичиз

Зин гъавурда акьадай гьуьрметлу къунши
мурадар я ,патав хьун шад хтулар чин
Кусуз хьанач вавай накь к1вале гьатна ван
Зун тек я къе вил алаз хтулрал жуван

Валлагь вун гьахъ я къунши зин гъавурдавай
Хебри жезва ара-физ кьуьзуь жердавай
Секин жеда  кьилин т1ал,гъилерин зурзун
Гьар хтулар хтайла зин шегьердавай

Къунши им са сефер туш шал-хвал ийиз на
Са гьефтедлай жеда вун мад пашман хьана
Мукьвал-мукьвал хуьквез хьуй, хьайит1ани къал
Хъфейла мад хтулар ич1и жеда к1вал
31.01.2015.