Гьамлет
Ван атIана яргъай. Фена сегьнедал.
Ракин гуьрцелдик зун агалтна ялгъуз,
Экъвезва хквезвай ванцин дегьнеда,
Вуч жеда яраб зи уьмуьрда лугьуз.
Зи винел къвезава йифен мичIер гьикI,
Агъзурралди дурбу туькIуьрнава захъ.
Эгер мумкин ятIа, минет хьуй, Халикь,
И къада-балайрин вилик пад на яхъ.
Кани я гьатин ви мягькем къастара,
Ва къугъваз гьазур я зун и рол кьуна.
Амма исят физва драма чара,
Ва зун и сеферда азада вуна.
Амма и крариз махсус я къайда,
Ва элкъуьриз жедач эхир и рекъин.
Кьуд пад хиянатар, зун тек, вуч файда.
Уьмуьрун асан туш, четин я, четин.
Б. Пастернак. Гамлет
© Copyright: Билал Адилов, 2015
Свидетельство о публикации №115012900403
Свидетельство о публикации №115012900403
Рецензии