Чан рик1 ийиз хьана зун ваз
К1еме кьуна вавди къугъваз,
Ийиз вуна са мили хъвер
Чан зи гуьзел хтул Бейсер.
И шиирни багъишда ваз
Темен гуда халудиз кьаз,
Кутада на зак гурлу хъвер
Чан зи гуьзел хтул Бейсер.
Хьана халу лугьуз вуна
Кутаз на чак гурлу хъуьрер,
Ширин бала гъиле кьуна
Мани яда ваз Бейсер.
Ацукьда вун гьардан рик1ел
Къекъуьрдай за кьуна гъилер,
Ширин гафар къвезва мецел
Чан зи гуьзел хтул Бейсер.
Чубарук хьиз вич рахадай
Хтул лугьуз за к1еме кьадай,
Чан рик1 ийиз вав къугъвадай
Чан зи гуьзел хтул Бейсер.
Хтул Бейсер
© Copyright: Адил Агабеков, 2015
Свидетельство о публикации №115012610289
Свидетельство о публикации №115012610289
Рецензии