М. Лермонтов. Я не унижусь пред тобою

  Агъуз жедач зун ви вилик

Агъуз жедач зун ви вилик;
Я ви салам, я ви тегьне   
Гьаким туш зи руьгьдин кьилик.
Чир хьухь: чара, я чун ингье.
РикIел хвенач: азадвал  за
Ракъурдач гьич тапарариз,
Йисар фена, хьана гъаза
Ви хъуьруьнриз, ви вилериз.
Гьар са чIавуз заз акуна
Жегьилвилин умудар вал,
Вири дуьня такан хьана,
Вун дериндай кIан хьун патал.       
Низ чидатIа, чIавар белки,
За ракъурай кIвачерик ви,
Илгьамдикай атIанвай за,
Бес эвезда вуч гана на?
Белки чIехи фикирариз,
Мягькем руьгьдив чIалахъ я зун,
Гудай савкьат за дуьнядиз,
Эвезда заз рекьин тавун?
Вучиз харуз заз гаф ганай      
Адан дуьгуьр на эвезун,
Вучиз тушир  бес эвелдай
Амма эхир икI хьана вун! 
Зун такабур!..багъиша, вал
Маса ашкъи хьурай дуьшуьш;
ХьайитIани чилерал къал,
Закай мад лукI  жедайди туш. 
Сувухъ фена кьибле патан 
Яръал жеда белкини зун,
Амма са-сад чизва хъсан
Бес рикIелай гьикI алудин.
Уьмуьрдихъ са лезет кутаз,
Гьашервиле кьинерни кьаз,
Хъуьреда зун вири галаз,
Амма шехьиз канзамач заз.
Кьил кутада алцуриз икI,
Эвел  хьиз кан тежедайвал;
Дишегьлидиз гьурметин гьикI
АкунатIа заз хаинвал?
Зун гьазур тир лап рекьиниз,
Ва дуьнядихъ галаз женгиз,
Ви жегьил гъил са нямет хьиз,
Ахмакь!- садра мад чуьхкьуьниз!
Пис хиянат за кьатIанач,
Ваз жуван руьгь багъишай тир
Ихьтин руьгьдин къадир хьанач?
Ваз чидай – заз,вун чидачир!