Уьмуьр шаддиз тухузва на
Гъиле кьуна чуьнгуьр вуна,
Халкьдин гуьгьуьл ачухарна
Ширин ванцелди, я Айдун.
Манидин руьгь рик1е аваз
Ягъа мани чуьнгуьрдал заз,
Сивел вичин хъверни алаз
Шад жеда чи халкь, я Айдун.
Хкажни жеда зи лап гьевес
Гьатда хуьре ви ширин сес,
Гурлу жечни мехъерни бес
Ягъайла чуьнгуьр, я Айдун.
Гьамишанда сегьнедал хьуй
Ви ширин сес зайиф тахьуй,
Лазим я вун гъилерал хуьн
Халкьдин манидар, я Айдун.
Дзинг дзинг ийиз чуьнгуьрдин ван
Чук1урда на хуьрериз кьван,
Лугьуз жеда халкьдини кваз
Баркалла ваз Ашукь Айдун.
Ашукь Айдун
© Copyright: Адил Агабеков, 2015
Свидетельство о публикации №115012409503
Свидетельство о публикации №115012409503
Рецензии