Гатун ц1иг я, няни бере къвазва марф,
Таран к1аник ярдихъ галаз тек я зун.
Рик1 секин я, чи мецерал къвезвач гаф,
Т1ебиатди са суьгьуьрда тунва чун.
Каспидилай къарагъайла серин гар
Пешерилай аватзава ст1алар.
Гьар сад са Рагъ жезва чк1из агъзур зар
Ярдин чинал марфадикай хтарар.
Лугьузва чаз къе марфади манияр
Чи рик1ерин секинвилиз зил кьуна.
Мвегъуьн тарак агалтнава к1ани яр
Зи вилерин ц1ай-ялавра вил туна.
Яваш-яваш ат1узва марф, са мах тваз
Хурушумдин мич1 гьатнавай чуьллера.
Ингье, са гъед хъуьрезва чаз дамах гваз
Чи муьгьуббат сейли ийиз эллера.
Куьлуьз-куьлуьз камар вегьиз хъфизва
Зи рик1ин пад, зи вилин хад - масанди.
Гатун марфад(и) ст1ал-ст1ал кхьизва
Ц1ийи ц1ар чи к1анивилин дастандин!
Гатун марф
© Copyright: Шахмардан Арран, 2015
Свидетельство о публикации №115012310144
Свидетельство о публикации №115012310144
Рецензии
Рикlиз тагьсирдай эсер хьанва.... Квез Аферин, Шагьмардан муаллим! Дугъриданни, ихьтин зурба эсери чи эдебиятда датlана "нефес"чlугвададал ва каинатдилай цlар илитlна квел хкведайдал са шакни алач.... Агъзуралди ксарин рикlе муг авунва... ЛИРИКА куь зурба я.... САГЪРАЙ, САГЪРАЙ, САГЪРАЙ!!!!
Владик Батманов 11.02.2015 11:48 • Заявить о нарушении
Владик Батманов 11.02.2015 11:48 • Заявить о нарушении