Йишвну гъулаъ сикинди ву гьарганси,
Алахьура улар, нивкIуз гъягъюри.
Дийигъну а уткан гьарар шамарси,
Ягъал кIакIар вазлин аквнахъ тIурччвури.
Лизи уршин гьариз духьну дюзелмиш,
Дийигъунза мучIу ярквраъ пашманди.
МикIру, апIуз ккунди узу алдатмиш,
Фу-вуш кIура йиз ибахъна явашди.
Мани вуй микI! Йипа узуз дугъриди!
Духьну ккунду увукьана йиз гъаври!
Вува уву, гьарсар касдин дердагьли,
Яраб айкIан бахт инсанарин уьмриъ?
Гьаз ву яв? - гъапизуз – дюз, гьякь абгури,
Адруган зат дюн’яйиъ бахтнан кьимат
ФужкIа айин, дердериъ, вутIан гъайри,
Пашманвалиинди абгури кьисмат?
КIару амсар жаргъури а хъял кади,
Жанаврарин хюрч абгурайи лижси.
Шулу бахтра, гюлле кубкьнайи силси,
Уьмрин йисар артухъ шлуган гьялакди.
Гьир гъабхьибган яркур – чюлиъ ватандин,
КутIушвура уьру хлинццар ахсрарин.
Ашул, кIурза, бахт дюньяйиъ гьар касдин,
КутIубшвнадаш мегьел ригъ чан уларин.
Бахтнакан
© Copyright: Гюльмагомед Расулов, 2015
Свидетельство о публикации №115012006690
Свидетельство о публикации №115012006690
Рецензии
Салам алейкум, Мягьямед. Уву поэзияйин рякъюъ айивалиин шад вуза, хъуркьувалар ишривуз. Халис шаир хьуз ккундуш увуз, сифте сакьюб насигьят кьабул ап1ин. Сабпиб: табасаран литературайин ч1алназ фикир тув. Мисалназ, ккундис ваъ, ккундузуз. Кьюбпиб: саб запятойикан инсандин уьмур асиллу хьувал аьгъшалвуз, думу ишарйир биц1идар вушра, кьувват аьхюб айидар ву. Гьюрматлувалиинди ва кюмек ап1уз гьарган гьязурди Аьбдулмажид Къурбанов.
Абдулмеджид Курбанов 1 09.04.2016 05:29 • Заявить о нарушении
Абдулмеджид Курбанов 1 09.04.2016 05:29 • Заявить о нарушении
Валейкум Ассалам! КIваантIан чухсагъул туврайи насигьятназ ва узу бадали апIурайи ужуб гафназ.
Гюльмагомед Расулов 19.04.2017 22:39 Заявить о нарушении
Гюльмагомед Расулов 19.04.2017 22:39 Заявить о нарушении
На это произведение написаны 2 рецензии, здесь отображается последняя, остальные - в полном списке.