Йифен ахвар амач хьи заз,
Гъиле къелем дафтар аваз,
Чирдай тарсар ганава чаз,
Акъатнава кьилиз зи т|ал
Лап писзава дустар зи гьал
Дафтар ац|ай чирдай тарсар,
Гагь вилерал къвезва накъвар,
Гьикьван хьурай я чан дустар,
Акъатнава кьилиз зи т|ал,
Лап писзава дустар зи гьал
Муаллимри къимет тагуз,
Регъуь тежез пул це лугьуз,
Гьич са к|усни жедач агъуз,
Акъатнава кьилиз зи т|ал,
Лап писзава дустар зи гьал
Ксудач зун, тарсар чирда,
Чирна вири ,ахпа фида,
Хъсан къимет заз эцигда
Акъатнава кьилиз зи т|ал,
Лап писзава дустар зи гьал
Экзаменар куьтягь хьухь фад,
Кьвед вахкана ,амазма сад,
Вахкайла ам,жеда заз шад
Амукьдач зи кьилени т|ал,
Ачух жеда дустар зи гьал
Акъатнава кьилиз зи т! ал
© Copyright: Саира Сефибекова, 2015
Свидетельство о публикации №115011907951
Свидетельство о публикации №115011907951
Рецензии