Ноччу ціха, ноччу пуста,
Дом да раніцы заснуў.
Можна проста
з'ехаць з глузду,
Падаючы ў цішыню.
Цьмянае святло ад лямпы,
Месяц б'ецца з-за гардзін.
Словы простыя – не штампы:
Я адзін, зусiм адзін.
Ты заходзь, заходзь, сярпаты,
Будзем сумаваць удвух.
Хочаш кавы, ці гарбаты?
Годзе ліць святло на луг.
Хопіць, досыць плыць па небе,
Праз акно заходзь – налью!
Нам абодвум стане лепей.
Піць адзін я не люблю…
Ноччу пуста, ноччу ціха,
Месяц, здзіўлены, плыве.
Дом заснуў. Пануе ліха
Ў неспакойнай галаве.
14.01.2015
Ноччу цiха
© Copyright: Вершы, 2015
Свидетельство о публикации №115011400519
Свидетельство о публикации №115011400519
Рецензии
дзякуй,мне спадабалася!прыемна пазнаеміцца з беларускамоуным аутарам....запрашаю вас на маю старонку!!
Владимир Гайдук 09.03.2015 11:22 • Заявить о нарушении
Владимир Гайдук 09.03.2015 11:22 • Заявить о нарушении
На это произведение написано 6 рецензий, здесь отображается последняя, остальные - в полном списке.