Къенин юкъуз за зи дедиз
Гъиле авай цуьквер гуда,
И шиирни къе багъишиз
Чан ширин де ваз лугьуда.
Диде диде я чан диде
Гьамиша вун хьурай вине,
Хтулри лугьуз жеда баде
Алаз ви мет1ел неве.
Гьар акурла сивелай хъвер
Акъатда зи рик1яй дердер,
Дуьньядилай багьа я заз
Лугьуз диде жеч гьар садаз.
Лугьун къе за зи дидедиз
Баркалла ваз къенин юкъуз,
Гъана на зун и арадиз
Чан зи ширин бала лугьуз.
Ч1угуна на пара зегьмет
Садазни чир жеч ви къимет,
Вун хьана заз диде буба
Мекьер къаяр эхна зурба.
Къуй акурай ваз шад йикъар
Шадвилин нагъв хьурай вилел,
Чина аваз ракъин нурар
Хуьда диде за вун гъилел.
Диде
© Copyright: Адил Агабеков, 2015
Свидетельство о публикации №115011103933
Свидетельство о публикации №115011103933
Рецензии