Галубы вы, мае галубочкi, чаму няма вас у радочку?

                Не прыляціць галубка
                Белая да гнязда.
                Прамільгнула хутка
                Жыцця яе вясна.
                Не прыляціць галубок
                Да свайго гнязда,
                Бо жыцця ўрок
                Ён вывучыў спаўна.
                Абсыпалася пёрка
                З падбітага крыла.
                Шчопаць-пяцёрка
                Нп грудзі лягла.
                Не ляцяць галубы,
                Белыя,стракатыя.
                Не ляціць той любы
                Да сваёй хаты.
                Не прыляціць і пярэсты
                Голуб той.
                Яго ўжо месца
                У краіне другой.
                Пад іх буркаванне
                Ў бяседцы-альтанцы
                Гаварыла б да світання
                Свой аповед мамцы.
               -Як белыя галубы,
                Дык да мяне не ляцяць, -
                Як чорныя крумкачы,
                Дык адкуль і ўзяць.
                Сеў такі  на бярэзіну
                Аж пад чацвёрты паверх,
                Скінуў тую слязіну,
                Што мне навек.
                Мае вы галубочкі,
                Урадзіла дробнай бульба,
                Бо не радзіла сыночка,
                А старэчая кульба
                Не апрацуе зямльку
                Так,як трэба.
                Хоць ты лезь у пельку,
                А гэта грэх для неба.
                У бясседцы-альтанцы
                Гаварыла б з ёю,
                Гаварыла б мамцы
                Песняй аднавою.
               -Бачу галубоў палёт
                У высокім блакіце,
                А на сэрцы лёд,
                Якога не пазбыцца.
                Той вялікай тугі
                Аб усіх людзях,
                Бо праблем ланцугі
                Усім ціснуць грудзі,
                Хоць ёсць у нас і кветкі,
                І праца хлебная,
                І белыя сурвэткі,
                Што да стала патрэбныя.
                Вучуся без цябе жыць,
                Ды без цябе так цяжка!
                Яна скажа:
                Годзе тужыць!
                Скінь тугі сярмяжку!
                Вунь жыве чалавек.
                Не выпрошвае,не просіць.
                Спяшайся і ты за свой век
                Не стаць пустым калоссем.
                Скрыпнулі раптам палавіцы
                Пад нашымі нагамі -
                Гэта прамень дзянніцы
                Ступае за намі.
                Кожны з нас - у сваю дарогу.
                Я - цяжкай хадою,
                Бяру сабе ў падмогу
                Ліхтар і вачэй двое.
                Яна - з маім сэрцам
                Ляціць на свае паляны.
                Як жа мне без сэрца
                Жыць ды без мамы?
                Бач,прайшла і зіма,
                Покуль з ёю гаварыла.
                Вясновая ўжо пара
                Зямлю травою пакрыла.
                І зацвіце адоніс:
                Успыхне ярка,міла.
                Хіба ж ты дагоніш
                Тое,што згубіла,
                Ці загубіла?
                Зацвітуць і клемацісы,
                Зацвітуць пышным цветам.
                Спытаю ў мацеры,
                Ці быць мне паэтам.
               -Скажа:
                Цвіце і горац,
                Які стрыгуць.
                Маё ж ты гора,
                Паэтам не будзь.
                Сеюць лён чырвоны
                Ды на газонах,
                І ты сядзі дома
                Кветкай у вазонах.
                Згода!Я касмея
                У сваёй хаце.
                Аслухацца не пасмею
                Ды парады маці.
                Ловіць вясною вуха
                Музыку жыцця,
                Ды што такое скруха -
                Пазнала да канца.
                Многіх,многіх драма -
                Гэта,людзі,тое,
                Што няма мамы --
                І не будзе супакою.
                Многіх,многіх трагедыя,
                Што бацькі няма.
                Хто такое зведаў,
                Таму нішто хвала.
                Ужо не абрываю пялёсткі
                У рамонках-кветках.
                Жыву ціха ў вёсцы.
                Смуткую аб дзетках,
                Якіх рэдка бачу.
                І не рашыцьужо мне
                Жыцця задачу
                Аб юнай вясне.
                Але вітаю маладых
                І зычу ім дабра.
                На скронях маіх
                Паўнютка дабра-серабра.
                Манеты тыя звіняць
                Аж да скону.
                І псалмы праспяваць
                Душы ў абарону.
                Вось рэдкія сняжынкі
                У паветры кружаць.
                Мая душа-дзяўчынка
                Смуткуе аб ружах.
                Ні на клумбе ў мяне,
                Ні ў душы ніколі!
                Хутка мяне памяне
                Калючка перакаці-поле.
                І страсяне голуб крылом,
                Бо грахоў цяжкі груз.
                Атулі ж яшчэ крысом
                Жыцця цяжкі кажух.
                Сагрэй апошні раз!
                Ты ж сялянскага роду,
                Жывеш сціпла,не напаказ,
                А Богу ва угоду.
                Эх!Галубіная песня
                Ажыве вясною.
                Мая ж дзесьці
                Блукае за гарою.
                Гулі-гулі,гуль-гуль...
                Чакаю вас,чакаю,
                Ды не прыляцелі дасюль!
                Можа,не так гукаю?
                І чым буду старэй,
                Там мне будзе горай,
                Бо не адвесці вачэй
                Ад свайго гора.
                Гулі-гулі,гуль-гуль-гуль...
                Крычы,крычы,мая боль,
                Твае галубы паснулі!
                Як жа ім прачнуцца?
                Як жа іх пабудзіць?
                Замест насоўкі анучка
                У руцэ дрыжыць.
                У цяжкую хвіліну
                Не да этыкету.
                Вось пад песню галубіну
                Адпачну гэтым летам,
                А суровай зімою
                Будзе душу халадзіць
                Немагчымасць парою
                Да галубоў схадзіць.