Зорны верш, або Грам сэрца

                Пагляджу ўночы
                У цёмнае неба.
                Зорачцы ў вочы
                Заглянуць мне трэба.
                Складу далоні
                Я каўшом.
                У зорным улонні
                Звініць усё серабром.
                Падстаўлю прыгаршчы:
                Сыпані,зорка.
                Міг выбарчы:
                Злавіць бы лоўка!
                А не то - міма!
                Міма?Дык гэта
                Няўдачы міна!
                Мне так не трэба.
                Не трэба злога.
                Паўвека прайшло,
                Пакуль добрае слова
                На душу лягло.
                Сыпані, зорка,
                Залатых вершаў,
                Правая пяцёрка
                Схопіць першы.
                Рука ж левая
                Не такая лоўкая,
                Ці паспее, бедная,
                За вершам гонкім?
                Зорка, скінь
                Слоў сугучча.
                Натхненнем абкінь,
                Мяне абкручвай
                Ты вэлюмам,
                Ты туманам,
                Сэрца засцелеш
                Срэбрам-дурманам.
                І зіхценнем,
                Што пераліваецца.
                Зорным натхненнем
                Сэрца адгукаецца.
                Бачу ў зорнай цішы
                Такой прыгажосці карункі,
                Сэрца, ты не засушы
                Натхнення дарункі.
                Мігціць зорка ясная
                У нябеснай цішы,
                Зорачка пачэсная,
                Вершы мне нясі.
                Скінула мне назву -
                Зорныя вершы
                І другую позву -
                Грам сэрца.
                Суцішся, небарака,
                І не рві грудзей.
                Добрая, кажа,
                Адзнка
                Табе сярод людзей.
                Кажа, пішы ты,
                Што напішацца.
                Дар табе пераліты,
                У сэрцы цішыцца.
                У слова выльецца,
                У свет загукае,
                Слязою вып'ецца,
                Душою заблукае
                У тым жа слове.
                У жыцця твайго палове
                Я буду гарэць,
                Аж пакуль і смерць.
                Няма табе смерці,
                Зорка мая ясная,
                Хоць патухнеш,
                Людзі бачаць незгаснай,
                Завуць жа паэтў
                Зоркамі зямнымі,
                Бо без сувязі гэтай
                Былі б яны нямымі.
                Завуць жа артыстаў
                Зоркамі эстрады,
                Хто ж ім чыста
                Ды не рады!
                Без зорак, мабыць               
                Не было б мастацтва.
                Вас навек любіць
                Буду сэрцам-палацам.
                Сэрцам-храмам,
                Сэрцам-калоссем.
                Хоць бы жыць засталося
                Адным толькі грамам.