Сучасны Хатнiк

                Хатнік-дамавік
                Чмыхнуў носам:
                Я не прывык
                Хрумкаць проса.
                Што я вам - каняка?
                Ці прыблудны сабака?
                Калі і бываю ў хляве,
                То як скаціна зараве.
                Салатам-памідорам?
                Сорам вам,сорам.
                Трэба мне ў раток
                І сальца шматок.          
                Я Хатнік,
                А вы,нягодныя,мне-
                Бізун вашай спіне!-
                Адвялі куратнік.
                Ведаеце,што мне -
                Пакой асобны
                І аўтарытэт
                Кінапробны.
                Хачу я,хатнік,
                Не спяцоўку-ватнік,
                А куртку ад Юдашкіна,
                Куцюр'е-партняжкіна.
                Я сучасны дзядок,
                У Інтэрнэт нат скок.
                Нашы Хатнікі
                За парадак ратнікі.