Абраз Мацi божай

               Пусты іканастас,
               Бо зняты даўно,
               Зняты Абраз -
               На покуці не відно.
               Ручніком старым
               Абраз абгорнуты.
               Стаіць адзін
               На падаконніку.
               У хаце бо рамонт,-
               Кажа гаспадыня,
               Ды крыўдай сірот
               Іканастас стыне.
               Прыйшоў Мядовы Спас.
               І Яблычны прыйшоў,
               Ды пусты іканастас -
               Яго Абраз не знайшоў.
               Не знайшоў вугла чырвонага.
               Адыходзілі святы.
               Няма месца ўлюбёнага,
               Бо Абраз усё зняты.
               А хлеб ды соль
               Трэба ж у хаце.
               Прабач гэты боль
               Ты,Божая Маці.
               І мне прабач,
               І каля маёй веры
               Бытуе многа няўдач
               І рваныя шпалеры.
               Ды ў мяне абраз
               Кветкамі ўпрыгожаны,
               Кожны раз
               Гляджу засяроджана
               На тонкія рысы
               Маці-маладзіцы.
               Каля шаўковай рызы
               Дзіця туліцца.
               Аксаміт-кутасы
               Яе апраткі
               Абрамляюць рукавы.
               На руках дзіцятка.
               Сум і пяшчота
               У вачах плешчацца,
               Грацыя дзявоча
               У целе цешыцца.
               Часта днём падыходжу.
               Узвяду на Яе вочы,
               Думаю:Божа!Божа!
               Думаю і ўночы.
               Ты мне стала бліжэй,
               Як пахавала я маці.
               Ты за ўсіх людзей
               Заступніца ў хаце.
               Маці ўсіх людзей,
               Усяго чалавецтва,
               Хоць злыдзень ці дабрадзей...
               Сіла Твая вечна.
               Трэба ж нам клапаціцца
               Пра аклад абразоў.
               Будзе Маці дзівіцца
               На вернікаў любоў.
               Колькі ёсць зорак -
               Усе пазлятаюцца,
               На аклад той срэбны
               Дружна стуляюцца.
               Напыліць і золата
               Ювелір-майстра,
               Яно ж успората
               З зямной кайстры.
               Глянь,свечак агонь
               У срэбры-золаце грае.
               Як прыгожа ён
               Абраз аздабляе!
               Яшчэ аздабляе яго
               Прыцяжэнне сардэчна.
               Не скажаш:толькі і ўсяго!
               Бо не кожнаму даецца.
               Да аклада каталікі
               Кладуць злоты пярсцёнкі,
               Дораць срэбны ланцужкі
               І метал звонкі.
               Але ж пры зямным жыцці
               У цесляра простай хаце
               Пярсцёнкаў тых залатых
               Не мела,пэўна, Маці.
               Праваслаўныя,анягож,
               На Яе аклады
               Штучных чырвоных руж
               Кладуць парады.
               І ружаў,ружаў край
               Цвіце на Галілеі
               Увесь год,бы май,
               Па ўсёй Іудзеі.
               У чырвоным хаты куце
               Многа штучных ружаў,
               Бы жывых у халоднай зіме,
               Бы жывых, мой дружа.
               Сапраўды жывых,мае вы людзі,
               Дзе ж зімою набрацца?
               Ды жывыя ж будуць
               І шыпамі кусацца, -
               Гэтак я гавару
               Сабе ў апраўданне.
               Прабач ты мне
               І ў час развітання.
               Прабач мне
               І ўсім,усім.
               згодна так кіўне
               Яна і Сын.          
               І стане душы ўсцешна,
               На твары маім, дружа,
               Расцвіце ўсмешка,
               Як вясною ружа.
               Трэба ж чалавеку
               Суцяшэнне верай,
               А то хоць у пазыку,
               Ці ляці ў вырай.
               Суцяшэння хоць парою,
               Каб ні плачу,ні зыку.
               Прасіць міру-супакою
               І шчасця,хоць для прыліку.
               Суцяшэння ад тугі,
               Па-англійску - сплін,
               Бо не раз-другі
               Пякла няўдачы блін.
               Суцяшэння ад хваробы,
               Бо не раз-другі
               Абівала парогі
               Па жыцця пірагі.
               Пірагі, бліны
               Пшаніцы ядомай.
               Суцішу боль зямны,
               Як буду ўжо дома.
               А калі не падорыць
               Суцяшэння таго,
               Спяваюць і ў горы -
               Змагаюць песняй яго.
               У людзей надзея
               Заўжды доўгажыхарка,
               У сэрцы палымнее
               Горача і ярка.
               А на каго ж болей
               У бядзе спадзявацца
               І дзе ад гора
               Беднаму схавацца?
               Стаіць Абраз
               На іканастасе.
               Глядзела туды не раз,
               У веры клялася.
               Ды заціраюць справы,
               І няма часу чытаць
               Малітву-правіла
               За дзень хоць бы раз.
               Хаця б скінуць світку,
               Перад сном перахрысціцца -
               Так да Бога нітка
               Пачынае губіцца.