Рикlив зун агудна заз рикl лагьана,
Агь шириндиз гада вун зав рахана,
Уьмуьрдиз вун чими рагъ хьиз атана,
Зун садрани текдиз тамир кlаниди,
Минет я ваз рикlиз тlармир азизди.
Вун галачиз вучда лагь за чилерал,
Лагьанай на: хуьда за вун гъилерал,
Накъвар гъимир зи зайиф тир вилерал,
Зун садрани текдиз тамир кlаниди,
Минет я ваз рикlиз тlармир азизди.
Хъел жез-туькlуьз гьикьван хьурай лагь вуна,
Сифтедилай тек вакай за яр кьуна,
Гъейрид патав хъфимир вун зун туна,
Зун садрани текдиз тамир кlаниди,
Минет я ваз рикlиз тlармир азизди.
Текдиз тамир, кlаниди...
© Copyright: Саира Сефибекова, 2014
Свидетельство о публикации №114122600504
Свидетельство о публикации №114122600504
Рецензии