АМ ТЕК ЧИЛЕЛ АЦУКЬНАВАЙ...
Ам тек чилел ацукьнавай,
Са кIапIал чар чара ийиз,
ЦIивинар хьиз къайи хьанвай
Гагь къаз гъиле, гагь гадариз.
Таниш чарар гъиле къазвай
Тажубдаказ гьа килигиз,
Лап руьгьери кьакьанрилай
Килигдай хьиз вичин тандиз.
Шумуд уьмуьр ина авай,
Эхкъвен тийир алатнавай!
Шумудни са легьзе гъам квай,
Ашкъи, шадвал кьена фенвай!
Зун киснава къерехда икI,
Гьазур я лап метер ягъиз,-
Са пашманвал атана гьикI,
Канидаз хас эхъендай хьиз.
Ф. Тютчев. Она сидела на полу...
© Copyright: Билал Адилов, 2014
Свидетельство о публикации №114122500262
Свидетельство о публикации №114122500262
Рецензии