Шъукъихьэх, сикъошхэр, саужы

Анатолий Зекох
Сыбзэ блэм фэдэу IортIагъэми,
СыгукIэ сызанкIэу сыкъабз,
КъасIорэр дахэу мыблагъэми,
Сыгу илъыр къэсIонэу сихабз.

Зафэр сэ гъогоу хэсхыгъэу,
Шъыпкъэр сигъусэ гуадз-
Плъэгъунэп ащ сытекIыгъэу,
ПшIошI хъунэу машIом сыхадз.

Щабзэм дэкIыгъэ щэбзащэу,
СыкIот, сигъогу пхырысхыт;
Силъэпкъи, сихэкуи сипащэу-
АфэшIмэ, спсэ стынэу хэсхыт.

Шъукъихьэх, сикъошхэр, саужы,
ДэкIыпIэ зандэм текIут,
Къиным тызыхэкIрэ нэужым,
Тызфаеу щыIакIэр щэкут.


© Copyright: Анатолий Зекох, 2014
Свидетельство о публикации №114122409751
Список читателей / Версия для печати / Разместить анонс / Заявить о нарушении
Другие произведения автора Анатолий Зекох
Рецензии
Написать рецензию
Другие произведения автора Анатолий Зекох