Лезгистан ваз агъзур дяве акуна,
Ивид селлер авахьна ви хирерай.
Шумуд пачагь женг тузузвай зурзуна,
Кич1 такуна лезги халкьдин вилерай.
Пад хьурай хур, амма далу къалурдач!
Душман тергиз гьарайдай ви аскери.
Лезги чиле ч1улав пайдах ак1урдач!
Сад Аллагьди лянет гайи пехъери!
Вун куз атай алчахдиз вун сур хьана,
Ви гьар са ч1иб ч1улаварна мийитри.
Мугьмандиз фу, душмандиз рум-тур гана,
Ви садвилин девлет хвейи игитри.
Шумуд жегьил кана залум дяведа,
Ивид кьунвай беден к1евна кафанди.
Душмандин гел тахьун патал уьлкведа,
Мет1ер агъуз тавун патал Ватанди!
Чан Лезгистан, лезги халкьдин ивиди,
Ви тарихдин къадим ц1арар кхьенва.
Гьавиляй и дуьньядал гьар лезгидин,
Далу ваъ, чин дагъларихъ ви элкъвенва.
Лезгистан
© Copyright: Сулейман Ахтынский, 2014
Свидетельство о публикации №114122410695
Свидетельство о публикации №114122410695
Рецензии