Лажьэ зимыIэ сабыйхэм
Шъуямыу, гвардейцэхэр, кIалэмэ;
Къышъобгыных аджалэу янэхэр,
Шъуахэмыхъу шъори япыйхэм.
Бгъашхъоу, жъугъащтэхэу, шъуафилъэу
Затешъумыдз нэфыр жъугъэбылъэу.
Сабыйхэр ары тилIыкIохэр,
ГъашIэм кlонхэу тикуамэхэр.
Аджал шъуфэхъут, мэхъэджагъэу,
Жъалымагъэу шъо зешъухьэрэр, шъугушIоу:
Шъужъэу - къэшъулъэгъужьыт шъузэбгыжьыгъэу,
Шъузыстырэр джыхьнэмым имашIоу.
Шъуямыу, гвардейцэхэр, кIалэмэ,
ШъугуаIэу апсэ Iушъухытэу:
Икъут яIус къуалэмэ;
Шъуямыгуаоу щыжъугъаIэх рэхьатэу!
Шъуямыу, гвардейцэхэр, кIалэмэ!
© Copyright: Анатолий Зекох, 2014
Свидетельство о публикации №114122109449
Свидетельство о публикации №114122109449
Рецензии