Де ихьтин бес свас жедан, лагь!?

Экъечlдач гьич кlваляй къецел
Телефонни кьуна къвалахъ
Ширин са гаф къведач мецел
Дидедиз на тийиз кlвалах
Де ихьтин бес свас жедан,лагь!?

Югъди йифди рангар ягъиз
Сив кьакьуниз,тlанкьар ягъиз
Компьютердай танкар ягъиз
Калушриз на мацар ягъиз
Де ихьтин бес свас жедан,лагь!?

Хъелиз  чида вичиз залум
Итимдизни ийиз зулум
Вичин руфун хьайла дулу
Гатаз жеда гъуьлуьн далу
Де ихьтин бес свас жедан,лагь?!

Итимдин тlвар ава сиве
Ван акъудда вичи хуьре
Бегьем итим авач кlвале
Жуваз кlанивал гьализ дуьнье
Де ихьтин бес свас жедан,лагь?!

Жеда вичел юбка мини
Вини кьилел майка куьруь
Сарар экъисиз вирдаз вичи
Я намус чидач,я регъуь
Де ихьтин бес свас жедан,лагь?!

Кlанда вичиз сечме тlуьнар чlахаркай
Киви,банан,мандаринар,афаркай
Кьадач хабар я кlвалевай гьалдикай
Начагъ хьайла я къаридин тlалдикай
Де ихьтин бес свас жедан,лагь?!
 
Пlузарарни яру мичlи
Зун"БОМБИТА"лугьуз вичиз
Туьтуьнизни вегьен сунжур
Алахьиз къаридлай зурзун
Де ихьтин бес свас жедан,лагь!?

Къарагъайла кьилик цlакул
Я кьаз чидач вичиз дуьз кул
Жеда вичел лап пис кагьул
Чуьхуьдач я кьацlай катул
Де ихьтин бес свас жедан,лагь?