Дунейр дыдейщ

Псэ хэлъхьэжщ уи ущэ макъыр,
СэркIэ Аргъеикъуэ,
КъпцIыхужрэ уэ мэзылIу
ЩIупIыкIар уи бгъафэ?
Жэщ блэкIам сытхьэмадауэ,
Си щхьэр сэ зызохьэ,
ШынэхъыщIэр ирикъуащ щэныкъуи,
Зэрыхьэблэу дофэ.
Дыкъэплъауэ дыгъуэпшыхь,
Чэзууэ дыщыхъуахъуэм
УкъэкIыжтэкъым си пщIыхь,
Срилажьэрт гуахъуэм…
Нобэ хуэдэу мэзыр
ЗэщIэкIауэ сщIэжкъым,
Щыбэгъуащ гуэрэнхэр
Мэжджыхьхэ я хадапхэм.
Къэсатэм пасэу къуажэм газыр
ЛIы щхьэпэлъагэу сыхэхъуэнт.
Мэзым сыкIуэрейти,
Сыхэмыхъуэу сыкъэнащ.
Ди мэзхъумэхэр
Фыжейнэду къыщIэкIынт,
Пхъэр къыщысхьым сывбудатэм,
Пхъэ къэхьыныр щызгъэтынт.
ЗэкъуэшитIыр дызэкъуэту
Дыпсэуныр ди уэсятщ,
Борис хуэдэу сылъагатэм,
Дуней утыкум сэ ситынт. 
                2
Къуршыбгъэм нэхъ къещтэ
Уафэм и закъуэ хурзэу итыну,
Дамэ зытетхэм яхэткъым
Абы нэхъ сызэхъуапсэ.
Ауэ абы сэ срещхькъым,
Си закъуэу дунейр есхьэкIкъым.
СыцIыхуу Тхьэм сыкъигъэщIащи,
Сыхъукъым зы махуи
Сэ ныбжьэгъуншэ.
Си Iэгур Iэнэу ущIащи,
Сыхъукъым сэ зэи хьэщIэншэ.
Сэ жысIэр зи фIэщ мыхъум,
ЛъэнкIэпашэ Iэбубэчыр,
Си цIэджэгъуу, си ныбжьэгъур,
ЩIэлэфIынкIэ къыздэжэр,
Си щыхьэту къэзгъэувынщ.
Дыгъуэпшыхь дыздэщысым,
Щэхуу цIыхухэм къаIуэтащ,
Нэху къекIым щIалэхэм
АндрыщIыр къащтэну.
Ар зэхэпхауэ хъурэт
Щыхьэрым укIуэж?
Iэбу фIыщIэр Тхьэм къыпхуищIэ,
СумыгъэщIэхъуу къуажэм сыкъэпшэжащ.
Уэр мыхъуатэм
Шэрхъ Беслъэн сыдефэрэт,
Къаскъулхэ, игъащIэм дызыхэту,
Зи гур къабзэу, зи лэжьыгъэр батэм
Жэщыр сэ дэзгъакIуэрэт.
Лэжьыгъэ IэнатIэм лIитI дыкъыIукIащ,
Дымыгъэзэжмэ, хуэмыху къытфIащынщ.
Бозий Суфэдин, Тхьэм игъэузыншэ,
НобэкIэ ар ди къэрэгъулщ.
Уэ жылэ махуэ хъун, зэ укъэдаIуэкъэ,
МэзакIуэу дыщытами, нобэкIэ доIуэтэж.
                3       
УэтэрыжьымкIэ дыкIуэу
Пхъэхуей къэтхьыжкъым,
ПокIагуэ задэм
Лъагъуэ иIауэ тщIэжкъым,
Гугъу зезыгъэхьа ди нэхъыжьхэм
ФIыщIэу щыIэр яйщ,
Ахэм дахуэфащэтэм,
Дунейр дыдейт!
Ди къуажэм тхыдэшхуэ иIэщ,
ИкIыхьагъкIэ ХьэтIохъущыкъуейщ,
Нобэрей махуэр мыхьэнэшхуэ зиIэщ,
ДызэрымыIыгъым,
Дымывэ щыкъуейщ.
Къалэну сиIэр дыгъуэпшыхь стекIакIэт,
ИтIани къуэшыгъэм сыкъишэжащ,
Къыслъысыр къасщтэу сызыдэкIа жылэм,
ГукъэкIыжыфIхэр къыщызгъэнащ.
Тхьэрыкъуэф Iэнэм дыщысми, дыбатэщ:
Армэр къиухри Амир къэкIуэжащ,
Мурик, си къуэшым машинэщIэ къыхуихуащ,
Азыр, ефэгъуафIэу, къытхурегъахъуэ,
Зы бжьэ сефэжмэ, хьэзыр сыхъуащ.
Унэм дынэсыжым зы бжьэ
Iэбу дэсIэтыни ***йкъэ.
Маринэ бордачокыр иузэдащ.
Феуэ си къуэшхэ, фыщыт узыншэу!
Си иужь псалъэм къедэIуащ Аргъеикъуэ,
Абы, фэ зэхэфхыу, псалъэ естащ,
Псафэ и деж сыкъэмыкIуэну,
ЦIыхум ягъэщIагъуэу
Тхылъ гъэщIэгъуэн хуэзмытхау.