Щхъуэжьхэр зэдейуэ доуэр,
Ди пашэр ауэ Iэмалшы!
Къыхихыркъым абы гъуэгу захуэ,
Дызыпхишыр – бгынэжащ.
Ди Iэтащхьэм и ужь дитщи,
ДызыпхыкIыр - зэщIэкIащ.
Щыхь дыхуэзэм, дэ зедзынущ,
Маисэу ди дзэхэр лъащ.
Жыжьэу мэл гуартэ къэтлъагъум,
Дызэпеуэу лъыпэ деуэнущ,
Мэлыхъуэм и пыIэр гуэлэлмэ,
Хъушэм исрафыр хэтлъхьэнущ.
Гъуэгум жэм лъхуа къытхуэзати,
ШкIащIэр цырыцу тчэтхъащ,
Къуалэжьхэри щIым къэтIысри,
ЛыщIэкIэ затIыжащ.
Хъыжьэщ ди пашэри, дотхъэ.
Къэпкъэн узэдахэм дыблеш,
ФыщIакIуэхэм къытхэткъым жьэрыплъи,
ШэсыпIэм абы дыкъреш.
Дыгъужьхэм ди пщэр къэмышми,
МэкIэ дыахъырзэманти,
Къэралым и хъугъуэ-фIыгъуэхэм
КIуэурэ и тепщэ дыхъуащ.
Номинхэм къатекIа цIыхухэм,
Дэ хьэкIэкхъуэкIэу дахэтщи,
Къэтшхыхьым щIэи гъуни имыIэ,
Тетри дэ ди Iумэтщи,
Къэгъазэ жыхуаIэр дэ дымыщIэн!
(1993гъ)
Дыгъужьхэр
© Copyright: Абубакир Жемухов, 2014
Свидетельство о публикации №114110806545
Свидетельство о публикации №114110806545
Рецензии