Мывэкъутэ

Сеуэм, бгыр згъэхъейуэ,
Къырым симытаи:
Зы махуэр сомийкIэ
Нарядыр схузэхуащIу.
Бригадэм зэдейуэ
Лэжьыгъэшхуэ тIэтырт,
Сэху мывэр чэщейуэ
Бгы задэм къыгуэтхырт.
IэпщэкIэ зи сомыр
Къазылэжьхэм сащыхэтым,
Сэри си IэфракIэр
Сымыщхьэхыу згъэшырт.
Къэблэжьар пщIантIэпскIэ
IэфIщ утIысу пшхыну.
ГъащIэм и япэ дерсхэр
Къинащ фIыкIэ си гум.
Сихьэхуауэ сомым,
ЩыщIэзудым Iэгур,
Зи гур къысхуэмахэу
«еуей» къызжезыIэр,
Си анэу Хьэтэт дахэрщ.
ЛIы сищIын и гугъэу,
ГъащIэм сыбгъэдишэу,
Сиущийрт си адэм:
-УадэкIыр хуэмыхурщ
Тэмэму зыхуэмыIыгъыр,
Удыни куди зытехуэр,
ЛэжьэкIэ зымыщIэрщ!
Апхуэдэ ущиякIуэ зимыIахэу
Къыздэлажьэхэм яхэтт
Зи Iэпэхэм техуэжу,
Фэбжьышхуэ хэзыха.
Робэ къызатам
Бжыгъэ темытами,
Карьер сызытетыр
СэркIэ лъэкъуэщ кIыфIт.
Бгыщхьэм жьы къыщепщэм
Игъэдийт Iэпкълъэпкъыр, 
УадэкI сымыутIыпщым
Си ажалыр хэлът.
Тхыдэм кIуэну махуэхэр
СфIэкIыхьу екIуэкIырт,
ГъащIэ кIэщI блэкIам
Схуэмыхъуу сриплъэт.
Сэ сызыIэпызышэр
Инженер IэщIагъэрт.
ИгъащIэм нэфI-нейр щыIэщ,
Механизацэм  естатэм
ХьэчымитIым язри
ЩIэгъэкъуэн
Сэ къысхуэхъунт,
Есэпымрэ диктантымрэ
плIыкIэ сапхыкIынт,
«… Инженерхэр къызэхьэзэхуэу,
Ди маршынэм дыщэ къыритшэу,»
ПащIэм жыхуиIахэм
Сэри сахыхьэнт!
Адэ къуэшым и псалъэм
Ветеринарнэм сыIуешэ,
Уи гур зыхэмыхьэр
IэщIагъэ пхуэхъун,
Гъуэгуу утеувэми.
ГъащIэм упхишын?
НэщIэбжьэ къысщыщIауэ
Благъэм къалъытами,
Си щхьэр къыфIэхуакъым,
Мурад щэхуу згъафIэм
Си Iэр тезгъэхуащ,
Мывэкъутэм сахэкIыжри,
Инженеру сэ седжащ.