Чи к1валева , я дустар,
Гъвеч1и зирек кьве уст1ар,
Вири ч1ана к1валахар,
Ийиз кьведра артухар.
-Ак1 мийир, я чан Замир,
-Вун акъваз т1ун, чан Эмир, -
Лугьуз дидени баде
Жеда биц1екрин рекье.
-Ваз жезвачни бес залан,
кьаз гъилерал кьве бала?
-Дидедин чан хьуй къурбанд,-
жавабда за: - Мад къала...
Экв я абур вилерин,
Кьезилвал зи к1вачерин.
Рик1е авай мурадар,
Аллагьд патай савкьватар.
_________________
Балаяр, квекай шегьерар
Хьурай чаз, це бул бегьерар.
Ислягьвал, хийир хьуй к1вале,
Мел-мехъерар гьар са хуьре.
Лезги лагьай т1вар рик1елай,
Лезгистанни куь мецелай
Алудмир, квез хьурай веси:
Къени кардин хьухь иеси.
Кьуьзуьвилиз ая гьуьрмет,
Ватандинни чир хьухь къимет.
Т1алабзава, хьурай квез кьин:
Такурай мад дяведин чин...
Гъвеч1и зирек кьве уст1ар..
© Copyright: Гасанова Гюзеля, 2014
Свидетельство о публикации №114110409493
Свидетельство о публикации №114110409493
Рецензии