Вилик экъеч1, ингье атанва гатфар!
Уях хьанва ахварик квай т1ебиат,
Ачуха куь к1валин варар, зи дустар,
Чаз мугьман я Яран сувар гьакъикъат.
Ават1ани чун яргъара, гъурбатда,
Алудзавач чи рик1елай адетар.
Яран сувар ава, дустар, нубатда -
Гуьруьшин ша, ийин адаз гьуьрметар.
Ша фин вилик лугьуз-лугьуз манияр,
Дадлу т1уьнар гьазур ийин, савкьватар.
Мугьман хьурай к1ени дустар, къуншияр
Гурай Яран сувари чаз къуватар.
Куь к1валериз экв гъуй яран шемери
Бахт вилик кваз фирай хизандин жигъир,
Цуьк ахъайрай вилик атай рекьери,
Балайрикай кьезилди хьуй куь фикир.
Гагь рагъ къведа, гагь къвада марф Невадал,
Жедач инин гьавадал гъиз эхтибар.
Лугьузва за квез и Яран суварал:
- Гьар легьзеда рик1е гатфар хьуй дустар
Яран сувар чаз мугьман я гьакъикъат
© Copyright: Гасанова Гюзеля, 2014
Свидетельство о публикации №114110409395
Свидетельство о публикации №114110409395
Рецензии