Экуь юкъуз я рик1из дар,
Физва сериндиз зи йикъар,
Яраб ят1а, яр, ваз хабар?
Зи азизди, зи патав ша.
За вуч ийин, за гьик1 ийин:
Вун галачиз я заз четин
Гуьруьш хьун чун ят1а мумкин?
Ша, к1аниди, зи патав ша
Зун фикирай вав рахазва,
Вун такваз зи рик1 ц1разава...
Кьисмет вучиз чав къугъвазва?
Ша, к1аниди, зи патав ша
Зун ахварай вавди рахаз,
Т1ар хьанай рик1 - к1андай акваз,
Куьз акъатнай икьван яргъаз?
Ша, к1аниди, зи патав ша
Бейкеф жемир, яб це вуна
Къведайла вун чуьнгуьр гваз ша
Мани лугьун чна кьведа
Ша, к1аниди, зи патав ша
Ша, к1аниди, зи патав ша...
© Copyright: Гасанова Гюзеля, 2014
Свидетельство о публикации №114110409391
Свидетельство о публикации №114110409391
Рецензии